Abaı • 11 Tamyz, 2020

Túrkistan oblysyndaǵy Abaı esimdi jastarǵa syı-sııapat tartý etildi

360 ret

kórsetildi

1 mın

oqý úshin

Uly Aqyn Abaı Qunanbaıulynyń 175 jyldyq mereıtoıy elimizdiń barlyq óńirinde keń kólemde toılandy. "Abaı kúnin" atap ótýden Túrkistan jastary da qalys qalmady, - dep habarlaıdy Egemen.kz.

Dınar KERIM

Túrkistan oblysyndaǵy Abaı esimdi jastarǵa syı-sııapat tartý etildi

Túrkistan qalasyndaǵy «Jeńis» saıabaǵynda Uly Abaıdyń 175 jyldyq merekesine oraı oblystyq Qoǵamdyq damý basqarmasyna qarasty Jastar resýrstyq ortalyǵynyń uıymdastyrýymen "Adamzattyń Abaıy" atty merekelik is-shara ótti.

Jıynǵa oblystyń birqatar aýdandarynan Abaı esimdi jasóspirimder qatysyp, arnaıy syılyqtar tabys etildi. Uly aqynnyń atyn ıelengen balalar arasynda eki Abaı Qunanbaev bar.

Mereıtoılyq shara barysynda oblystaǵy jas aqyndar Abaıǵa arnalǵan júrekjardy óleńderin oqyp, kórkemsóz oqý sheberleri aqynnyń jyrlaryn naqyshyna keltire jurt nazaryna usyndy. Sondaı-aq, Abaıdyń halyq arasyna keń taralǵan ánderi de shyrqaldy.

amal

Aıta keteıik, memleket basshysynyń Jarlyǵymen 10 tamyz – "Abaı kúni" bolyp belgilengen edi. Osyǵan oraı Túrkistan oblysynyń barlyq aýdan-qalalarynda merekelik is-sharalar áli de jalǵasýda.