Parlament Senatynyń Halyqaralyq qatynastar, qorǵanys jáne qaýipsizdik komıtetiniń tóraıymy Darıǵa Nazarbaeva AQSh-tyń Qazaqstandaǵy Tótenshe jáne О́kiletti Elshisi Djordj Kroldy qabyldady. Ekijaqty qarym-qatynastardyń bolashaǵy týraly pikir almasý sheńberinde Qazaqstan men AQSh arasyndaǵy parlamentaralyq yntymaqtastyqty damytýǵa erekshe nazar aýdaryldy. Djordj Krol «EKSPO-2017» halyqaralyq kórmesi aıasynda AQSh kongressmenderiniń Astanaǵa kelýge nıetti ekenin jetkizdi.
D.Nazarbaeva Parlamenttiń jáne Senattyń Halyqaralyq qatynastar, qorǵanys jáne qaýipsizdik komıtetiniń zań shyǵarýshylyq qyzmeti týraly Elshini habardar etti.
Taraptar sondaı-aq jahandyq jáne aımaqtyq qaýipsizdikti qamtamasyz etýdiń túrli aspektileri jáne sonyń ishinde terrorızm men ekstremızmge qarsy kúres máselesin de talqylady.
Saýd Arabııasy Koroldiginiń Qazaqstandaǵy elshisi Gýrm ben Saıd Al-Malhanmen kezdesýi barysynda olar Memleket basshysy N.A. Nazarbaevtyń Saýd Arabııasyna jýyrdaǵy sapary nátıjeleri aıasyndaǵy eki jaqty yntymaqtastyqtyń bolashaǵy týraly áńgime boldy.
Dıplomat senatordy Qazaqstanǵa 3,4 mln dollar kóleminde medısınalyq qurylǵynyń qoıylǵanynan habardar etti. Senator Saýd Arabııasy basshylyǵyna kómegi úshin alǵysyn bildire kele, Koroldik bizdiń elimizde júrgizilip jatqan áleýmettik-ekonomıkalyq, saıası reformalarǵa qoldaý bildirgen alǵashqy elderdiń biri bolǵanyn jáne Qazaqstannyń áleýmettik mańyzǵa ıe maqsattarǵa qol jetkizýi jolynda qoldaýdy jalǵastyryp kele jatqanyn atap ótti.
Sondaı-aq Halyqaralyq qatynastar, qorǵanys jáne qaýipsizdik komıtetiniń tóraıymy Darıǵa Nazarbaeva Izraıldiń burynǵy qorǵanys mınıstri general-leıtenant Shaýl Mofazben kezdesti. Kezdesý barysynda taraptar Izraıl premer-mınıstri Benıamın Netanıahýdiń Astanaǵa aǵymdaǵy jyldyń jeltoqsanyna josparlanǵan resmı sapary eki el arasyndaǵy yntymaqtastyqqa jańa serpin berýi qajettigin atap ótti.
D.Nazarbaeva jahandyq qaýipsizdikti nyǵaıtý, lańkestikpen kúres jáne órkenıetter arasyndaǵy dıalogty ilgeriletý turǵysynda eki eldiń ustanymdarynyń jaqyndyǵyn atap ótti.
