P.Brýkman alǵash ret Abaıdyń aýdarmasymen betpe-bet kelip, onyń baı tilin erekshe atap ótti. Aýdarmashy qara sóz arqyly qazaq halqynyń baı mádenıetimen tanysýǵa múmkindik alǵanyn jáne uly qazaq oıshylynyń basqa da eńbekterin aýdarýǵa daıyn ekenin aıtty.
Qazaqstannyń Izraıldegi elshisi Satybaldy Býrshakov ızraıldik oqyrmandardy Abaı shyǵarmalarymen – baı qazaq ádebıetiniń murasymen tanystyrý úshin zor úles qosqan barlyq qatysýshylarǵa alǵysyn bildirdi.
Osydan buryn belgili ızraıldik «Haares» gazeti óz betterinde Qazaqstan Prezıdenti Q.Toqaevtyń jarııalanymyn paıdalana otyryp, Abaı fenomeni týraly arnaıy materıal jarııalady. Qazaqstan Elshiligi jaqynda Evreı ýnıversıtetiniń basshylyǵyn Abaıdyń shyǵarmashylyǵymen tanystyrdy, ol osy jyldyń kúzinde oqý prosesi qalpyna keltirilgennen keıin osy ýnıversıtet janyndaǵy Trýmen ınstıtýtynda «Qara sózderiniń» tusaýkeseri týraly bastamany qoldady.
