Pandemııaǵa baılanysty úziliske deıin «Shahter» ujymy óte saýatty óner kórsetip, túzde «Volfsbýrg» komandasynan 2:1 esebimen basym túsken bolatyn. Sondyqtan da «kenshiler» 5 tamyzda ótken jaýapty matchqa favorıt bolyp sanaldy. Nátıjesinde portýgaldyq bapker Kashtrýdyń shákirtteri 3:0 esebimen jeńiske jetti. Bir qyzyǵy, barlyq gol oıynnyń sońǵy mınýttarynda (89, 90+1, 90+3) soǵyldy. Osy jeńis arqyly «Shahter» uzaq ýaqyt úzilisten keıin de babynda ekenin kórsetti.
«Bazel» ujymy Shveısarııa chempıonatynyń alǵashqy matchtaryn ájepteýir bastaǵanymen, sońǵy bes kezdesýde tek bir ret qana jeńiske jetti. Nátıjesinde ishki birinshilikti úshinshi orynmen aıaqtady. Al Eýropa lıgasynda «Hetafe», «Trabzonspor» jáne «Krasnodar» klýbtarymen bir topta synǵa túsip, minsiz óner kórsetti. Toptan birinshi orynmen shyqqan olar ¼ fınalǵa deıin APOEL jáne «Aıntraht» komandalaryn da artta qaldyrdy.
Derekter:
– «Shahter» buǵan deıin shveısarııalyq komandalarmen 11 ret kezdesip, sonyń jeteýinde jeńiske jetken. Úsh ret jeńilis taýyp, bir ret teń túsken;
– «Shahter» men Shveısarııa komandalarynyń dop aıyrmashylyǵy – 21:14;
– «Shahter» eýrokýboktyń pleı-off kezeńderinde shveısarııalyq komandalardan eki ret basym túsip, kelesi kezeńge ótse jáne kerisinshe eki ret jeńilip qalǵan;
– «Shahter» Chempıondar lıgasy 2008/2009 maýsymynyń toptyq kezeńinde óz alańynda «Bazel» komandasyn 5:0 esebimen, túzde 2:1 esebimen jeńiske jetken. Intertoto kýbogy aıasynda bir ret kezdesip 2:2 esebimen teń túsken (26.06.1996 j.);
– «Bazel» Ýkraınanyń «Dnepr» ujymymen Eýropa lıgasynyń 1/16 fınalynda (2012/13 j.j.) synǵa túsip, ekeýinde de jeńiske jetken. (2:0 óz alańynda, 1:1 syrt alańda).
«Shahter» – «Bazel»
11 tamyz. Gelzenkırhen. «Feltıns-Arena» stadıony. Saǵat 01:00.
Bas tóreshi – Maıkl Olıver (Anglııa).
Translıasııa - «Qazsport»
Esterińizge sala keteıik, Eýropa lıgasynyń jartylaı fınalyna "Inter" men "Manchester Iýnaıted" komandalary joldama alǵan bolatyn.
