Saýat Myńbaev Qasym-Jomart Toqaevqa «Qazaqstan temir joly» UK» aksıonerlik qoǵamynyń bıyl atqarǵan jumysy jaıynda esep berdi. Basqarma tóraǵasynyń aıtýynsha, 2020 jyldyń birinshi jartyjyldyǵynda júk aınalymy ótken jyldyń atalǵan kezeńimen salystyrǵanda 3,5%-ǵa artqan. Qazaqstan men Qytaı arasyndaǵy júk tasymalynyń kólemi birshama ósken. Soǵan sáıkes memleketaralyq bekettegi ótkizý qabiletin arttyrý sharalary qabyldanady.
«QTJ» UK» AQ basshysy pandemııanyń jolaýshylar tasymalyna áser etkenin atap ótti. Onyń aıtýynsha, ótken jylmen salystyrǵanda jolaýshylar tasymalynyń kólemi eki esege azaıǵan. Soǵan qaramastan kompanııa jolaýshylarǵa qyzmet kórsetýdiń jańa standarttaryn engizip, jolaýshylar vagondarynyń parkin jańartyp jatyr.
Kezdesý sońynda Qazaqstan Prezıdenti birqatar naqty tapsyrma berdi.
