ShYNDYQTY MOIYNDAÝ – URPAQQA ÚLGI

Bizdiń halqymyzdyń basynan ne bir zulmat, qym-qýyt kezeńder ótti. Sonyń bárinde de qazaq hal­qynyń armany da, ańsary da Táýelsizdik bolatyn. Osy Táýel­sizdik jolynda ata-babalarymyz jan qıyp, qan tókti. Odan ber­tindegi Alash aǵalary Qazaqstan­nyń derbes el bolýyn kóksep, ár­qıly amaldar izdese, Keńes ókimeti ornaǵannan keıin de halqymyzdyń kórnekti qaıratkerleri eldiń óz jo­lymen damýyn oılastyryp baqty. Osyndaı sanǵasyrlar boıǵy  armannyń, sol joldaǵy jankeshti erliktiń óteýine taǵdyr bizge bostandyq berip, Táýelsizdik Týyn syılady. Endigi jerde osy Týdy máńgilik tuǵyryna ornatyp, berik qolda ustaýymyz úshin ár qazaq­standyqtyń aıanbaı eńbek etip, ter tógetin kezeńi keldi. Osy tusta zaman “myń ólip, myń tirilgen” qazaq halqynyń baqytyna oraı, búgingi el tizginin ustap otyrǵan bilikti basshymyz Nursultan Ábishuly Nazarbaevty tarıh sahnasyna shyǵardy. Biz – Táýelsizdik alǵan jyl­dardan bastap, qıynshylyq qamy­tynan tez shyǵyp, ózimiz tańdaǵan nurly jolǵa birjola bet túzegen halyqpyz. Bizdiń bul jolymyz maǵynaly da máńgilik jol. Ol – “Qazaqstan joly”. Elbasy Nursul­tan Nazarbaev negizdegen osy jol arqyly biz egemendik pen táýelsiz­dik­ke eshqandaı qantógissiz jettik. Qıyndyq bolmady emes, bolǵanda qandaı. Táýelsizdiktiń eleń-alańyn­da búkil ekonomıkalyq baı­la­nystar úzilip, toqtap qalǵan sharýashylyqty júrgizý úshin qyrýar qarjy qajet boldy. Buryn Qazaqstandy tek KSRO-nyń qura­mynda tanyǵan elder derbes damý jolyna túsken elimizge bet bura qoımady. Osyndaı tusta Prezı­dentimiz Nursultan Nazarbaevtyń asqan kóregendigi men álemdik damýdy jete bilýi kóp kómegin tı­gizdi. Eń aldymen, biz álemge qaýip tóndiretin atom qarýy arsenalynan bas tartyp, jerimizdegi synaq polı­gonyn japtyq. Qazaqstannyń beıbit saıasaty álem elderin Qazaq­stanǵa bet burýǵa yńǵaılasa, daý-janjal­dyń, qaqtyǵystardyń sebebi bolady degen kópetnostyq jaǵ­daıymyz álemdegi eń sheshýshi kúsh­ke aınaldy. Tatýlyqtyń, birliktiń arqasynda biz Reseı, Germanııa, Koreıa, Grekııa, Túrkııa jáne basqa úlken memleket­terdi, sol sekildi Qurama Shtattar, Ulybrıtanııa, Qytaı sekildi alyp derjavalardy Qazaqstanmen saıası-ekonomıka­lyq, mádenı baılanys­tarǵa túsýge tarttyq, sheteldik ınvestı­sııalarǵa jol ashtyq. Jıyrma jylǵa jetpeıtin mer­zim­de biz ǵasyrlarǵa para-par jol-dan óttik. Qandaı qıyndyqtar kezdesse de, eldiń bolashaq damýyn bir sátke de esten shyǵarmaǵan El­basy “Qazaqstan–2030” Strategııa­syn jasap, sonyń negizinde damyp kelemiz. Syrtqy kúshterdiń orasan yqpalyna qaramastan, ózimizdiń Konstıtýsııamyzdy qabyldadyq, qajetine qaraı oǵan túzetýler de engizip kelemiz. Shyǵys Azııada bas­tal­ǵan, muhıttyń arǵy jaǵynan kelgen daǵdarystardyń saldaryn eńsere aldyq. Munyń bári halqy­myzdyń birligi men eren eńbeginiń arqasynda múmkin boldy. Eýrazııa kindigindegi, musylman halqy basym el Eýropadaǵy qaýipsizdik jáne yntymaqtastyq uıymyna, mine, úsh aıdan asty bilikti tóraǵa­lyq etip keledi, Islam konferen­sııasy uıymyna da jetekshiligimiz jemisti bolaryna senim mol. Jerimiz ulan-ǵaıyr bolǵany­men, halqymyzdyń sany az, damý­shy elmiz. Soǵan qaramastan qol jetken jetistikterimiz serpindi seki­rister jasaýǵa múmkindik berdi. Solaı eken dep toqmeıilsýdiń esh reti joq. Sondyqtan da, Prezıdent Nazarbaev aldymyzǵa jańa min­detter qoıyp otyr. Onyń eń bastysy – ındýs­trııalyq-tehnolo­gııalyq elge aınalyp, álemniń eń ozyq elý eliniń qataryna ený, Keden odaǵynyń belsendi múshesine aınalý. Qazirgi kezde biz daǵdarys­ty eńserýdiń úlken baǵdarlamasyn júzege asyra otyryp, osy qıyn jaǵdaıdyń ózinen damı túsýdi kóz­desek, bul jospar­lardy júzege asyrý Memleket basshysynyń tóńiregine, memlekettik saıasatty júzege asyrý ıdeıasy astyna toptasa túsýimizdi talap etedi. Qazirgi tilmen aıtqanda, alys-jaqyn shetelderdiń bárinde derlik turaqtylyqqa qol jetkize almaı, tolqymaly sátterdi bastan keship jatqanyn kúnde kórip, estip, bilip jatyrmyz. Al Qazaqstandaǵy turaqtylyq pen tatýlyq Elbasy Nursultan Nazarbaevtyń eren eńbegi nátıjesinde júzege asyp otyrǵany aqıqat. Shyndyqqa qarsy turar kúsh joq. Jalǵan jala, ótirik-ósektiń bári túbinde tarıh qumdaýytyna kómilip qalady da, shyndyq óz tuǵyrynda árdaıym tý bolyp jelbirep turary haq. Bolashaq bu­dan da góri bıik, budan da góri nurly bolý úshin, bú­gin­gi kózimiz kórip turǵan uly shyn­dyqty árqaısymyz ár jaqqa bura tartpaı, bultaqsyz moıyndaýy­myz kerek. Kóz kórip turǵan shyndyqty moıyndaý – urpaqqa úlgi. Bekbolat MUQYShEV, Qazaqstan Respýblıkasy ardagerler uıymy tóraǵasynyń orynbasary. ASTANA.