Qazirgi tańda, oblystaǵy jergilikti atqarýshy jáne aýmaqtyq memlekettik organdar 366 memlekettik qyzmet túrin kórsetedi.
– 2020 jyldyń 6 aıynda oblystaǵy qyzmet berýshi mekemeler tarapynan 1608263 qyzmet kórsetilgen. Elektrondy túrde qyzmetter alý úlesi 2019 jyldyń tıisti kezeńimen salystyrǵanda edáýir artyp, nátıjesinde 88 paıyzdy qurap otyr, –dedi N.Talqanbaev.
2020 jylǵy mamyr aıynan bastap memlekettik qyzmetter alý júıesiniń jańa formatyna sáıkes turǵyndarǵa elektrondy usynylatyn memlekettik qyzmetterdi halyqqa qyzmet kórsetý ortalyǵyna kelmeı, "Elektrondy úkimet portaly", "eGov mobile" jáne Telegram qosymshasyndaǵy "EgovKzBot2.0" boty arqyly alýǵa múmkinshilik jasalǵan.
Qazirgi tańda halyqtyń qyzmet alýyna qolaıly jaǵdaı jasaý maqsatynda oblys kóleminde 574 "ózine – ózi qyzmet kórsetý buryshy" jumys jasaýda.
