Mereıtoılyq kún Qurmanǵazy atyndaǵy Qazaq memlekettik akademııalyq halyq aspaptar orkestri daıyndaǵan Shámshi Qaldaıaqov ánderiniń halyqaralyq festıvaliniń onlaın-kórsetiliminen bastalady.
Shámshi Qaldaıaqovtyń týǵan jeri Túrkistan oblysynda 14 tamyzda saǵat 15.00-de kompozıtor ómir súrgen, qalpyna keltirilgen murajaı-úıiniń ashylýy ótedi. Sonymen qatar, tanymal kompozıtor eskertkishine gúl qoıý saltanatty rásimi ótedi.
Aıtýly kúni "Konserttik-gastroldik ortalyq "jyl sońyna deıin jalǵasatyn "Meniń Qazaqstanym" Halyqaralyq mýzykalyq chellendjin bastaıdy. Oǵan belgili qazaqstandyq artıster, akterler, sportshylar, memleket jáne qoǵam qaıratkerleri, jaqyn jáne alys shetelderden kelgen qandastar qatysady.
Mınıstrliktiń YouTube-arnasynda "Jaz áýenderi" jobasy aıasynda Kenen Ázirbaev atyndaǵy Jambyl oblystyq fılarmonııasynyń "Án padıshasy - Shámshi aǵa" konsertiniń premerasy kórsetiledi.
Uly mýzykanttyń shyǵarmashylyǵyn súıetinder Jambyl atyndaǵy Qazaq memlekettik fılarmonııasynyń "Qazaq valsiniń koroli" konsertin tamashalaı alady.
Mereıtoılyq is-sharalar tizbegin Qazaqstan Respýblıkasynyń Ulttyq akademııalyq kitaphanasy Nur-Sultan qalasynda uıymdastyrǵan "Qazaq valsiniń koroli - Shámshi Qaldaıaqov" onlaın-kórmesi jalǵastyrady. Sonymen qatar, Ulttyq kitaphananyń áleýmettik jelilerde resmı paraqshalarynda "Meniń Qazaqstanym"onlaın-konserti kórsetiledi.
Zaǵıp jáne nashar kóretin azamattarǵa arnalǵan respýblıkalyq kitaphana kórermenderge "Án-aǵa" ádebı-mýzykalyq keshi, sonymen birge "Qazaqstannyń Halyq ártisi Shámshi Qaldaıaqovtyń týǵanyna 90 jyl"atty mýzykalyq beınetaspa usynylady.
Aıta keteıik, Shámshi Qaldaıaqovtyń 90 jyldyq mereıtoıyna oraı Qazaqstan sýretshileriniń shyǵarmashylyq jumystary negizinde tuńǵysh ret "Shámshi álemi" mýltımedııalyq onlaın-kórmesi uıymdastyrylady.
Respýblıkalyq murajaılar men kitaphanalar áleýmettik jelidegi paraqshalarynda kórermender nazaryna kompozıtordyń ómirine arnalǵan vırtýaldy kórmeler men onlaın-dárister usynady.
Sondaı-aq, 15 tamyzda Qazaqstan Respýblıkasy Ulttyq mýzeıiniń áleýmettik jelidegi resmı paraqshasynda Shámshi Qaldaıaqovtyń shyǵarmashylyǵy týraly rejısser, ssenarıst, ánshi-kompozıtor Oralbek Sarbasovpen mýzykalyq onlaın-suhbat ótedi. Efır kórermenderi arasynda kompozıtordyń ómiri men shyǵarmashylyǵyna arnalǵan Muzei Time saýalnamasy uıymdastyrylady.
17 tamyzda Qazaqstan Respýblıkasy Ulttyq mýzeıi qorynyń muraǵattarynan Shámshi Qaldaıaqovtyń murasy týraly beınesıýjet kórsetiledi. 26 tamyzda "Qazaq mýzyka tarıhyndaǵy biregeı tulǵa" vıdeo– ekskýrsııasy, sondaı-aq Qazaqstan Respýblıkasynyń Ulttyq akademııalyq kitaphanasy "Qazaq valsiniń koroli-Shámshi Qaldaıaqov" vırtýaldy kórmesi oqyrmandar men kórermender nazaryna usynylady.
23 qazanda Qurmanǵazy atyndaǵy Qazaq memlekettik akademııalyq halyq aspaptar orkestri "Vals koroli" konsertin kórsetedi. Osy aıda Abaı atyndaǵy Qazaq memlekettik opera jáne balet teatry kórermenderine kompozıtor shyǵarmalarynyń konsertin tartýlaıdy. Al qarasha aıynda Jambyl atyndaǵy Qazaq memlekettik fılarmonııasy kompozıtordyń shyǵarmashylyǵyna arnalǵan mereıtoılyq konsert ótkizedi. Sondaı-aq, qarasha aıynda "Qazaqkonsert" memlekettik konserttik uıymynyń "Saz & Soul" vokaldyq-aspaptyq toby kórermenderin áleýmettik jelilerdegi onlaın-konsertpen qýantady.
Aıta ketý kerek, kompozıtor Shámshi Qaldaıaqovtyń 90 jyldyq mereıtoıyna oraı Túrkistan oblysynda jyl sońyna deıin epıdemıologııalyq jaǵdaıǵa baılanysty onlaın-formatta ótetin 100-ge jýyq is-shara josparlanǵan.
