Petropavl qalasy Polısııa basqarmasynyń jergilikti polısııa qyzmeti bólimi qyzmetkerlerimen alkogoldik ónimderdi zańsyz satý faktisi anyqtaldy. Quramynda spırti bar 16,5 lıtr ónim alynyp, saraptamaǵa jiberildi.
Polısııaǵa Muqanov kóshesi boıyndaǵy azyq-túlik dúkenderiniń birinde alkogol ónimderin zańsyz satý jolǵa qoıylǵandyǵy jóninde aqparat kelip tústi. Tekseris barysynda atalǵan aqparat rastaldy: 11 saǵat 45 mınýtta “Pshenıchnaıa” araǵynyń 0,5 lıtrin 600 teńgeden saýdalaý faktisi anyqtaldy. Ýchaskelik polısııa ınspektorlarymen materıal jınalyp, 33 shólmek alkogol alyndy. Barlyq shólmekterdegi aksızdik markalar standart boıynsha japsyrylmaǵan. Alynǵan alkogol ónimderi saraptamǵa jiberildi. Dúkenniń ıesi etıl spırtiniń kólemdi úlesi 30% asatyndaryn saǵat 21-den kelesi kúngi saǵat 12-ge deıin bólshek saýda arqyly ótkizgeni úshin QR ÁQBtK 200-babynyń 3-bóligi (Qazaqstan Respýblıkasy zańnamasynyń alkogol ónimin ótkizý jónindegi talaptaryn buzý) boıynsha ákimshilik jaýapkershilikke tartylady.
Baptyń sanksııasymen jeke tulǵalarǵa 10, shaǵyn kásipkerlik sýbektileri úshin 40 aılyq eseptik kórsetkish mólsherinde aıyppul túrindegi ákimshilik jaýapkershilik qarastyrylǵan.
SQO PD bastyǵynyń birinshi orynbasary Qanat Aıtbaevtyń aıtýynsha, alkogoldik masań kúıde jasalatyn qylmystar men quqyq buzýshylyqtardyń aldyn alý jumystary udaıy baqylaýda. Bıylǵy jyldyń jeti aıynda oblys boıynsha alkogol ónimderin satýǵa qoıylatyn talaptardy buzýdyń 88 faktisi, zańsyz saýdanyń 134 faktisi, sondaı-aq etıl spırti aınalymynyń erejelerin buzýdyń 8 faktisi anyqtaldy. Zańsyz aınalymnan 500 lıtrden astam alkogol alyndy.
Sonymen qatar, jyl basynan alkogoldik ishimdik ishý nemese qoǵamdyq oryndarda masań kúıde júrýdiń 7172 faktisi anyqtaldy.
