ELIMIZ ÚLESINE EREKShE YQYLAS

Elbasy, “Nur Otan” partııasynyń Tóraǵasy Nursultan Nazarbaevtyń Koreıa Respýblıkasyna sapary qarsańynda partııa Tóraǵasynyń birinshi orynbasary Nurlan Nyǵmatýlın bastaǵan “Nur Otan” HDP delegasııasynyń osy elge jumys sapary boldy. Koreıa Respýblıkasy Qazaq­stannyń ejelgi áriptesi. Qazaqstan Koreıa Respýblıkasymen par­tııaaralyq, saıası, mádenı-gýma­nıtarlyq jáne ekonomıkalyq yntymaqtastyqty damytýda. Qazirdiń ózinde elimizde Ońtústik Koreıa kapıtalynyń qatysýymen 300-den astam birlesken kásiporyn jumys isteıdi. Qazaqstan múddesin kózdeıtin ózara yntymaqtastyq qatarynda energetıka, kólik, qurylys, saýda-ekonomıkalyq jáne ǵylymı-tehnıkalyq, sondaı-aq bank salasyndaǵy jobalardyń júzege asyrylýyn aıtýǵa bolady. Koreıa Respýblıkasy – AО́SShK, basqa da ıntegrasııalyq qurylym­dar­dyń belsendi qatysýshysy. Delegasııanyń jumys sapary Qazaqstannyń Koreıa Respýblıka­syn­daǵy jyly aıasynda ótkizilip jat­qan alǵashqy Kazaqstan – Ko­reıa forýmyna qatysýmen bastaldy. Nurlan Nyǵmatýlın forýmda sóı­legen sózinde: “Búgingi kúni “Nur Otan” halyqtyq-demokratııalyq par­tııasy ózin Qazaqstan halqynyń múddesin qorǵaýshy jáne demo­kra­tııalyq qundylyqtarǵa arqa súıeý­shi halyqtyq bılik partııasy retin­de kórsetip, zamanaýı qoǵamdyq-saıası júıede nyq oryn alyp ke­le­di. Ortaq tabys tikeleı Qazaq­stan azamattarynyń kópshiliginiń bir­lesken kúshimen qamtamasyz eti­ledi. Osy kópshilik búginde ózin kór­setti, Qazaqstan Respýblıkasy­nyń Prezıdenti, partııamyzdyń Tóraǵasy Nursultan Ábishuly Na­zar­baevtyń saıası baǵytyna bir­ne­she márte óz senimderin bildirip ári dáleldep saıası arenaǵa shyqty. Osy baǵdarǵa súıenip, Qazaqstan hal­qy áleýmettik turaqtylyqty, etnosaralyq jáne konfessııa­ara­lyq kelisimdi, qoǵamymyzdyń tole­rant­tylyǵy jáne Qazaqstannyń bir­ligi men gúldenýin qoldaıdy”, – dedi. Koreıa Respýblıkasy Syrtqy ister jáne saýda mınıstriniń bi­rin­shi orynbasary Kak Sý Shın: “Nur­sultan Nazarbaevtyń basshy­ly­ǵymen Qazaqstan turaqty eko­no­mı­kalyq damýǵa qol jetkizdi. Álem­dik qarjy daǵdarysyna qara­mastan, ótken jyly ekonomı­kalyq ósim 1,02 paıyz boldy. Bul Qa­zaq­stannyń daǵdarysty eńserip kele jatqanyn aıǵaqtaıdy. Qazaq­stan­nyń ekonomıkalyq tabystarymen qatar, álemdik qoǵamdastyq aldyn­daǵy mártebesi de joǵarylap kele­d­i. О́tken 20 jylda Azııadaǵy ózara is-qımyl jáne senim sharalary jó­nindegi keńestiń basy-qasynda júr­gen Qazaqstan aımaqtyq ynty­maq­tastyqty tereńdetýge aıryqsha úles qosty. TMD elderi arasynda tuńǵysh ret Eýropadaǵy qaýipsiz­dik jáne yntymaqtastyq uıymy­na tóraǵa boldy”, – dedi. О́zge de sóı­legender Qazaqstannyń tatýlyǵy­ men birligi jarasqan el ekenin, túrli ulttar men máde­nıetterdiń ba­syn qosyp otyrǵan Qazaqstan­nan úlgi alý kerek ekenin atap kór­setip jatty. “Hannara” Uly Ulttyq par­tııa­synyń tóraǵasymen kezdesýinde Nurlan Nyǵmatýlın Qazaqstandaǵy bılik partııasynyń qazirgi qyzmeti men onyń negizgi bastamalarynan habardar etti. “Hannara” men “Nur Otan” partııasyn tyǵyz yntymaq­tas­tyq pen áriptestik baılanys­tyratynyn aıtty. Delegasııa músheleri birikken Koreıada 1938 jyly negizi qalanǵan Oń­tústik Koreıadaǵy eń iri óner­kásiptik konsernniń biri, álemge tanymal Samsung Electronics kom­panııasyna bardy. Sondaı-aq dele­gasııa músheleri Koreıa ulttyq murajaıynda boldy. Sapar nátıjesinde “Hannara” men “Nur Otan” partııalary ara­syn­daǵy yntymaqtastyq hattama­syna qol qoıyldy.