Qor qyzmetkerleri qaıtys bolǵandardyń týystarymen baılanysyp, kómek qabyldaýǵa kelisken 141 otbasyn anyqtady. 2020 jylǵy 10-14 tamyz aralyǵynda #KustoHelp qaıyrymdylyq qory medısına qyzmetkerleriniń árbir otbasyna 1 mln teńgeden aýdardy. Qamtylmaǵan otbasylar boıynsha jumys jalǵasýda. О́ıtkeni, baılanys derekteri naqty anyqtalmaǵan nemese týystary baılanysqa shyqpaǵan otbasylar bar.
#KustoHelp qaıyrymdylyq jobasyn Kusto Group halyqaralyq kompanııasy qurǵan jáne Qazaqstan Respýblıkasynda COVID-19 koronavırýs pandemııasy sebebinen jarııalanǵan tótenshe jaǵdaı kezeńinde halyqtyń neǵurlym zardap shekken jáne osal toptaryna kómek kórsetýge baǵyttalǵan. Karantın kezeńinde kómektiń jalpy kólemi 1 057 654 502 teńgeni qurady.
Tómende halyqqa jáne dárigerlerge kórsetilgen kómektiń negizgi baǵyttary kórsetilgen.
- Búkil Qazaqstan boıynsha 12 000-nan astam otbasyna "Iа Almatınes", "Klýb Dobrıakov" jáne t. b. volonterlik uıymdardyń qoldaýymen jalpy somasy 153 mln. teńgege azyq-túlik jıyntyǵy berildi.
- Otbasy úlgisindegi balalar úıi úshin 1 shaǵyn avtobýs jáne Qostanaı men Jambyl oblystarynyń aýdandyq aýrýhanalary úshin 2 reanımobıl satyp alyndy.
- Búkil Qazaqstan boıynsha 100-ge jýyq medısınalyq mekemelerge jalpy somasy 294.3 mln.teńgege jeke qorǵaný quraldary, dári-dármekter jáne jabdyqtar túrinde kómek kórsetildi.
- 150 kishi medısına qyzmetkerine jalpy somasy 17 mln. teńgege ataýly materıaldyq kómek kórsetildi.
- Qazaqstannyń 50-den astam aýrýhanasynyń dárigerleri men pasıentterin tamaqtandyrý úshin 176 mln.teńge somasyna KazBeef 80 tonna et ónimi jetkiziledi.
- 2020 jylǵy 15 tamyzda Qazaqstannyń Ýkraınadaǵy Elshiliginiń qoldaýymen dári-dármekter – 55 000 Levofloksasın qaptamasy jáne 28 330 Meropenem qutysy Qazaqstannyń oblystyq jáne qalalyq aýrýhanalaryna taratylýy úshin «SK Farmasııaǵa» berildi. Kómektiń jalpy somasy 86.7 mln teńgeni qurady.
- Qazaqstan Respýblıkasy Densaýlyq saqtaý mınıstrligi jasaǵan tizimder boıynsha koronavırýs saldarynan qaıtys bolǵan 141 medısına qyzmetkerleriniń otbasyna materıaldyq kómek kórsetildi.
- Turǵyn úı baǵdarlamasy júzege asyrylýda, #KustoHelp kópbalaly az qamtylǵan otbasylarǵa turǵyn úı satyp alýǵa jáne salýǵa kómek kórsetýde. Turǵyn úı baǵdarlamasynyń jalpy somasy 90.4 mln. teńgeni quraıdy.
- Semeı, Shymkent, Jambyl jáne Qyzylorda oblystarynyń oqýshylaryna 19 mln. teńge somasyna 410 planshet berildi.
