Nur-Sultanda iri saýda jáne oıyn-saýyq ortalyqtary, fıtnes-ortalyqtar, sulýlyq salondary jáne basqa da shaǵyn jáne orta bızne nysandary jumysyn qaıta bastady.
"Qalada toǵyz saýda jáne oıyn-saýyq ortalyǵy bar. Jaqynda júrgizilgen tekserý nátıjesi olardyń barlyǵy daıyn ekenin kórsetti. Búginnen bastap shshaǵyn jáne orta bıznesamamen 8,5 myń adam jumysqa kiristi. Sondaı-aq bıznestiń 60%-y jumysyn bastady. Keıbireýler túsinikteme aldy, olar kemshilikti túzetkennen keıin osy aptada ashylady", dedi Nur-Sultan qalasy ákimdiginiń saýda jáne qyzmet kórsetý sektoryn damytý bóliminiń basshysy Rýslan Ydyrysov.
Eske salaıyq, 15 tamyzda bas memlekettik sanıtarlyq dáriger jarlyǵyna sáıkes saýda jáne oıyn-saýyq ortalyqtary aptanyń senbi jáne jeksenbiden basqa bes kúninde jumys isteıdi.
"Saýda oryndarynda ár 50 metr saıyn sanıtaızer ornatylýy kerek. Barlyq jerde áleýmettik qashyqtyq belgileri bar", dedi R.Ydyrysov.
Esterińizge sala keteıik, búginnen bastap Qazaqstanda karantın shekteýleri birtindep alyna bastady. Sonymen birge, sarapshylar toılar men kópshilik sharalardy ótkizýge áli de tyıym salynǵanyn eske saldy. Barlyq qoǵamdyq oryndarda qashyqtyq saqtap, maska taǵý, sanıtaızer qoldaný kerek.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
