Arheologtar mundaı boljamdy jergilikti jerdiń tabıǵatyna baılanysty túıip otyr. Aýdannyń ońtústik shyǵys, ońtústik batys bólikteri jazyq dala, aragidik alasa jotalar men móldir sý kózderi kezdesedi. Temir dáýirinde mal sharýashylyǵy tek osyndaı asa qolaıly jerlerde ǵana damyǵan delinedi.
– Esil, Jabaı ózenderinde neolıtten bastap qola dáýirinde adamdar mekendegen turaqtar tabylsa, ońtústik qabaqta temir dáýirine tıesili arheologııalyq obektiler anyqtalyp otyr. Orta ǵasyr dáýirindegi jerleý oryndary da belgili boldy, – deıdi oblystyq tarıhı-mádenı murany qorǵaý jáne paıdalaný ortalyǵynyń mamany Raýan Erjanov.
Mekeme mamandarynyń aıtýyna qaraǵanda, jańadan belgili bolǵan jádigerlerge eshqandaı qaýip tónip turǵan joq. Joǵaryda aıtqanymyzdaı, buryn belgisiz bolyp kelgen 22 tarıhı meken anyqtalypty. Temir dáýirindegi qorǵandar kóbinese qyratta, bıikte ornalasqan eken. Qurylymy, kóne dúnıeniń kómeski sulbasy jaqsy saqtalǵan. Keıbir arheologııalyq nysandar Jabaı ózeniniń jaǵalaýynan tabylyp otyr. Alaıda qazir mal tuıaǵynyń astynda qalyp, kóne dáýir tynysy tarylyp keledi.
Negizinen bul ólke tarıhı qazynaǵa asa baı. Buǵan deıin Atbasar aýdanynda 114 arheologııalyq nysan belgili bolǵan. О́kinishke qaraı, ekeýi ýaqyt ótken saıyn joıylýda. Endi qalǵanyn saqtap qalý keıingi urpaqqa paryz. Atbasardaǵy at basyndaı olja túp tarıhymyzdy tarazylaý úshin qajet.
Aqmola oblysy
