Elorda • 18 Tamyz, 2020

Elordalyqtardyń úshten biri sportpen belsendi aınalysady

46 ret kórsetildi

Karantın kezinde turǵyndar arasynda júgirý, velosport jáne ıoga tanymal boldy. Bul týraly ákimdiktiń resmı saıtyna silteme jasaı otyryp Egemen.kz habarlaıdy.

Sporttyq úıirmelerge únemi qatysatyn Nur-Sultan turǵyndarynyń sany artyp keledi. Búginde elordalyqtardyń úshten biri sportpen belsendi aınalysady.

"Búginde elordada dene shynyqtyrý, sport jáne dene shynyqtyrý-saýyqtyrý baǵytyndaǵy 564 ujym jumys isteıdi, 340 459 adam jattyǵý sabaqtaryna únemi qatysady, bul qala turǵyndarynyń jalpy sanynyń 29,7% quraıdy", dep habarlady elordanyń dene shynyqtyrý jáne sport basqarmasy.

Ujymdardyń negizgi bóligi sporttyq-saýyqtyrý klýbtarynda, sondaı-aq uıymdardaǵy nemese turǵylyqty jerindegi seksııalarda.

Sportshylar sanynyń ósýi salaýatty ómir saltyn ustaný tendensııasyna, qalada ótkiziletin sport, dene shynyqtyrý-saýyqtyrý sharalarynyń kóbeıýine baılanysty ekenin atap ótti basqarma ókilderi.

"Olımpıadalyq sport túrleriniń ishindegi eń kóp taraǵany – basketbol jáne strıtbol, voleıbol, fýtbol, shaıbaly hokkeı. Kelesi sport túrleri de tanymal: dzıýdo, djıý-djıtsý, boks, velosport, júzý, shahmat. Karantın kezinde adamdar kelesi ashyq sport túrlerimen aınalysa bastady: júgirý, velosport, ıoga", dep túsindirdi jergilikti ókiletti organ.

Aıta ketý kerek, dene shynyqtyrý jáne sport basqarmasy ulttyq sport túrlerinen onlaın jarystar ótkizdi. Chempıonat Zoom baǵdarlamasy arqyly 14-16 tamyz aralyǵynda ótti. Qatysýshylar asyq atý, bes asyq, láńgi sııaqty oıyndarda baq synady.

Sonymen qatar 15 tamyzda buqaralyq sporttyq is-sharalardy ótkizý dıreksııasy "Balalar men jasóspirimder sport mektebi, múgedek sportshylarǵa arnalǵan sport mektebimen" birlese otyryp ashyq onlaın-shahmat týrnırin uıymdastyrdy.

Esterińizge sala keteıik, 2004 jyldan bastap tamyz aıynyń ár úshinshi jeksenbisinde Qazaqstan Respýblıkasy Prezıdentiniń 2003 jylǵy 15 qarashadaǵy Jarlyǵymen bekitilgen Sport kúni atalyp ótedi. Bıyl mereke 16 tamyzǵa sáıkes keldi.

 

Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.

Sońǵy jańalyqtar

Pavlodarda jer astynan sý atqylady

Aımaqtar • Búgin, 14:25

12 tamyzǵa arnalǵan aýa raıy boljamy

Aýa raıy • Búgin, 10:30

Birqatar óńirde aýa sapasy nasharlady

Ekologııa • Búgin, 09:45

2186 adam koronavırýstan jazylyp shyqty

Koronavırýs • Búgin, 09:30

Baqytjan Saǵyntaev jańa qyzmetke saılandy

Taǵaıyndaý • Búgin, 09:22

Elorda «jasyl» aımaqqa ótti

Koronavırýs • Búgin, 09:13

Bir kúnde 1643 adamnan koronavırýs anyqtaldy

Koronavırýs • Búgin, 09:00

1/16 fınalǵa shyǵa almady

Tennıs • Búgin, 08:45

Uqsas jańalyqtar