"Keıbir buqaralyq aqparat quraldarynda qanaty syndy delingen qazaqstandyq ushaq "Tolmachevo" áýejaıynda (Novosibir q.) ekendigi týraly habarlama paıda boldy. Indýstrııa jáne ınfraqurylymdyq damý mınıstrligine silteme jasalyp, atalǵan ushaq Qazaqstan Respýblıkasy Qorǵanys mınıstrliginiń balansynda turǵany aıtylǵan. Atalǵan aqparat boıynsha Qorǵanys mınıstrligi kelesini habarlaıdy.
Qazaqstan Áckerı-áýe kúshteriniń (áýe basqarý pýnktiniń) ushaǵy jospar boıynsha tehnıkalyq qyzmet kórsetýden ótý úshin Reseı Federasııasy Novosibir qalasyndaǵy "OO S-7 INJINIRING" kásipornynda tur. Jóndeý jumystary barysynda fıýzelıajdyń jeke bólikterine jáne basqa da túıinderi men agregattaryna ýaqytsha bólshekteý jumystary qajet bolýy múmkin. Bul jerde tańqalarlyq eshteńe joq, jumys josparly túrde ótkizilip jatyr.
Qorǵanys mınıstrligi BAQ ókilderine resmı derekkózdermen rastalǵan jáne tekserilgen aqparatty paıdalanýdy usynady jáne sensasııaǵa umtylmaýǵa shaqyrady", - delingen habarlamada.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
