Nur-Sultan qalasynyń Din isteri basqarmasynyń jáne Din máselelerin zertteý ortalyǵynyń bastamasymen 17 tamyzdan bastap elorda halqy arasynda din salasyndaǵy aqparattyq-túsindirý jumystary jańa formatta ótkizilýde.
Aqparattyq-túsindirý tobynyń músheleri, qalamyzdyń bilikti teolog, dintanýshy jáne psıholog mamandary «Bıg Shanhaı», «Sharyn», «Alash», «Kók bazar», «Ortalyq» bazarlary, «Ajar», «Álem», «Yrysty», «Astanalyq» saýda úıleriniń qyzmetkerleri men saýdagerlerimen kezdesip, din salasyndaǵy mańyzdy aqparattarmen bólisti.
Is-shara barysynda tyńdaýshylarǵa Qazaqstan Respýblıkasynyń Din salasyndaǵy Zańnamalyq aktteriniń normalary, destrýktıvti dinı aǵymdardyń qaýpi, olardan saqtaný men taralýynyń aldyn-alý máseleleri túsindirildi.
Sonymen qatar, din salasyndaǵy paıdaly aqparattar kórsetilgen aqparattyq broshıýralar taratylyp, «iKOMEK 109» biryńǵaı baılanys ortalyǵynyń din salasy boıynsha keńes alý múmkindigi týraly aqparattar berildi.
Qazirgi tańda aqparattyq túsindirý-jumystary eki negizgi baǵytta júrgizilýde: «Elorda_cipr» ınstagram paraqshasy arqyly kúndelikti tikeleı efırdegi onlaın dárister jáne elorda mekemeleri men uıymdaryndaǵy dáriskerlerdiń qatysýymen ótetin offlaın formattaǵy kezdesýler. Barlyq dáristerde tyńdaýshylardy qyzyqtyratyn suraqtarǵa tolyqqandy aqparattar berilýde.
Sanıtarlyq-epıdemıologııalyq ahýalǵa baılanysty, atalǵan kezdesýlerdi jyldyń sońyna deıin ótkizý josparlanýda.
Esterińizgi sala ketsek, Qazaqstan Respýblıkasyn dinı ekstremızm men terrorızmge qarsy is-qımyl jónindegi 2018-2022 jyldarǵa arnalǵan memlekettik baǵdarlamany júzege asyrý aıasynda, bilikti mamandardan turatyn aqparattyq-túsindirý toby zaıyrlylyq, qazaqstandyq qoǵamnyń dástúrli qundylyqtaryn nasıhattaıdy.
Dinge qatysty máseleler boıynsha bilikti mamannan keńes alýǵa nıet bildirýshiler úshin nemese kómekke muqtaj jandar úshin 109 iKOMEK nómirine habarlasýǵa bolady.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
