Qoǵam • 19 Tamyz, 2020

Qazaqstanda Farmasevtıka ónerkásibin damytý baǵdarlamasy qabyldanady

28 ret kórsetildi

Premer-Mınıstr Asqar Mamın Qaraǵandy oblysyna jumys sapary aıasynda Qazaqstan Respýblıkasynyń farmasevtıka ónerkásibiniń damý máseleleri jóninde keńes ótkizdi,  - dep habarlaıdy Egemen.kz Premer-Mınıstrdiń baspasóz qyzmetine silteme jasap.

QR farmasevtıka salasyndaǵy ahýal men damý perspektıvasy týraly ındýstrııa jáne ınfraqurylymdyq damý mınıstri B. Atamqulov, densaýlyq saqtaý vıse-mınıstri L. Bıýrabekova, «SQ-Farmasııa» basqarma tóraǵasy E. Esqalıev, «Hımfarm» AQ dırektory A. Isenova, «Super-pharm» JShS basshysy Q. Qaımoldaev, Medısınalyq buıymdardy óndirýshiler qaýymdastyǵynyń tóraıymy G. Muhamedjanova baıandady.

Bıylǵy 7 aıdyń qorytyndysy boıynsha pandemııa kezinde farmasevtıka kásiporyndarynyń óndiris kólemi 23,2%-ǵa, 70,2 mlrd teńgege deıin artty. Salada 96 kásiporyn jumys isteıdi, onyń ishinde 33-i – dári-dármekter boıynsha, 41-i – medısınalyq buıymdar boıynsha, 22-si – medısınalyq tehnıka boıynsha. Indýstrııalandyrý kartasy aıasynda 5 myń jańa jumys ornyn qurýmen ınvestısııa somasy 62,9 mlrd teńge bolatyn 41 joba paıdalanýǵa berildi. Qazaqstannyń farmasevtıka ındýstrııasynyń «ósý núkteleri» Almaty, Shymkent qalalary men Almaty jáne Qaraǵandy oblystarynda.

«Qazaqstannyń farmındýstrııasynyń damý áleýeti zor. Basty mindet – jetkilikti qory men nomenklatýrasyn keńeıtýdi qamtamasyz etý arqyly dári-dármekter men medısınalyq buıymdardyń otandyq óndirisine serpin berý. Elimizdiń halqy úshin sapaly medısınalyq ónimder qoljetimdi bolýy tıis», — dedi A. Mamın.

Otandyq farmasevtıka óndirisin odan ári damytý maqsatynda Úkimet basshysy ındýstrııa mınıstrligine bıznes qaýymdastyǵynyń pikirin eskerýmen Farmasevtıka salasyn damytý baǵdarlamasyn ázirlep, bıylǵy qyrkúıek aıynda jobasyn usynýdy tapsyrdy.

Premer-Mınıstr otandyq dári-dármek naryǵynda halyqqa qoljetimdilik pen sapany, al bıznes úshin tıimdilikti qamtamasyz etetin ońtaıly baǵalar belgilenýi tıis ekenin atap ótti. Sonymen qatar medısınalyq maskalar men basqa da jeke qorǵanysh quraldaryn óndirý standarttaryn bekitýdi tapsyrdy.

Densaýlyq saqtaý mınıstrligine «SQ-Farmasııamen» birlesip, medısınalyq uıymdarda dári-dármekterdiń bolýyn josparlaý tetikterin qaıta qaraý, dári-dármekterdi tirkeý talaptaryn ońtaılandyrý, otandyq óndirýshiler úshin satyp alý kólemin boljaý júıesin engizý tapsyryldy.

Úkimet basshysy otandyq dári-dármekterdiń syrtqy naryqtarǵa jedel shyǵýyn qamtamasyz etý, jańa dárilerdi tirkeý kezindegi kedergilerdi barynsha azaıtý qajettigin atap ótti.

A. Mamın jumys sapary aıasynda «ArselorMıttal Temirtaý» AQ-ǵa baryp, «Qaraǵandy – Temirtaý» avtomobıl jolynyń kólik aıryǵyn qarady, sondaı-aq densaýlyq saqtaý nysandarynyń, «Qaraǵandy farmasevtıkalyq kesheni» ımmýnobıologııalyq jáne bıofarmasevtıkalyq preparattardy óndirý kásipornynyń, «Lınde Gaz Qazaqstan» tehnıkalyq jáne medısınalyq gazdardy shyǵarý zaýytynyń, «Amanat» dárilik zattar men medısınalyq buıymdardy saqtaý jáne qyzmet kórsetý jónindegi logıstıkalyq keshenniń jumysymen tanysty.

 

Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.

Sońǵy jańalyqtar

Bir shańyraqtan – úsh maıdanger

Rýhanııat • Búgin, 14:00

Jetpis jeti jyldan keıin kelgen marapat

Aımaqtar • Búgin, 11:47

Taraz qalasynda 20 soǵys ardageri bar

Aımaqtar • Búgin, 11:00

Qazaqstannyń 7 óńiri «qyzyl aımaqta» tur

Koronavırýs • Búgin, 10:45

Qazaq degenimiz – Baýyrjan...

Rýhanııat • Búgin, 09:45

505-shi túrmeniń tutqyndary

Tarıh • Búgin, 09:15

Mereke kúnder jańbyrly bolady

Aýa raıy • Keshe

Ammanǵa attandy

Sport • Keshe

Qazanda kúsh synasýda

Sport • Keshe

Shet eldegi qazaq generaldary

Qazaqstan • Keshe

Qadir túniniń qasıeti

Rýhanııat • Keshe

Erlik pen patrıotızm mektebi

Qazaqstan • Keshe

Uqsas jańalyqtar