Máselen, «Jas Otan» Jastar qanaty Almaty oblystyq fılıalynyń belsendileri Taldyqorǵan qalasyndaǵy «Arbat» demalys alańyna «Alǵys jáshigin» qoıdy. Munda qala turǵyndary men qonaqtary dárgerlerge degen lebizin jáne ótinishterin jazyp qaldyra alady. Al «Alǵys jáshigine» túsken alǵys-tilek, usynystarǵa saraptama jasalyp, eldiń tańdaýy túsip, eń kóp alǵysqa ıe bolǵan dárigerlerdi marapattaý týraly usynys aıtylmaq. Bul ıdeıany oblystyq densaýlyq saqtaý basqarmasy da qoldap otyr. Osylaısha oblys jastary dárigerlerdiń mártebesin kóterýge óz úlesterin qospaqshy.
"Bul aksııa apta boıy jalǵasyp, eriktiler qala turǵyndarynyń pikiri men usynysyn, alǵysy men tilegin jınaqtaıdy. Nátıjesinde halyq alǵysyna bólengen aıtýly dárigerlerdiń eńbegin yntalandyrý týraly tıisti oryndarǵa usynys engizip, bastama kótermekpiz. Al Arbatqa qoıǵan aksııa aıaqtalǵasyn «Alǵys jáshigin» Taldyqorǵan qalasynyń kóp salaly aýrýhanasyna syılaımyz. Aýrýhanaǵa kelgen adamdar óz tilegin qaldyryp, pikir-usynys beretin aranýly oryn bolsa degen oımyz bar", - deıdi «Jas Otan» Jastar qanaty Almaty oblystyq fılıalynyń jetekshisi Erkebulan Aqbolatov.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
