Otandyq vaksına klınıkaǵa deıingi zertteýden ótti

Janýarlarǵa vaksınanyń kú­sheı­tilgen dozasyn salyp, onyń qaýipsizdigi men ýytty áseri mu­qııat tekserildi. Sonymen qatar osy zertteý aıasynda otan­dyq vak­sınanyń aǵzaǵa aller­gııalyq reaksııasy men deneni titirkendirgish áseriniń joq ekeni anyqtaldy.

Jalpy, zertteý ádisterinen bas­qa, vaksınanyń qaýipsizdik deń­geıi qannyń gematologııalyq jáne bıohımııalyq kórsetkish­terimen rastaldy. Vaksınanyń janýarlardyń ishki múshelerine áseri de baǵalandy. Jiti zertteý nátı­jeleri klınıkaǵa deıingi zert­teý COVID-19-ǵa qarsy otan­­dyq vaksına ýytty emes eke­nin anyqtady jáne ony keıin klı­nıkalyq synaq barysynda erikti adamdarǵa qoldanýǵa bola­tyndyǵyn kórsetti.

«Jańa vaksınanyń tıimdiligi men qaýipsizdigin tolyq baǵalaý úshin qazaqstandyqtardy vak­sınasııalaýǵa odan ári keń aýqym­­­dy klınıkalyq zertteýler qa­jet. Zertteýdiń barlyq ke­zeńi ótki­zil­gennen keıin ǵa­na vak­­sına­nyń qaýip­sizdigi tý­raly aıtýǵa bolady», dedi Alma­ty far­ma­kolo­gııa­lyq synaq zerthana­synyń meń­gerýshisi Valentına Shnaýk­shta.

Aıta keteıik, barlyq eksperı­ment Dárilik zattar men medı­sına­lyq buıymdardy sarap­taý ulttyq ortalyǵynyń janýarhanasyndaǵy eksperıment­tik janýarlarǵa jasaldy. Far­­ma­ko­logııalyq zertteýler zert­­ha­nasy GLP OECD sáıkes Slo­­vak ulttyq akkredıtteý qyz­metiniń (SNAS) halyqaralyq akkre­dıtteý mártebesine ıe jáne Qa­zaq­­standaǵy bıoekvıvalentti zertteý júrgizetin jalǵyz zerthana.

Eske sala keteıik, buǵan deıin Dúnıejúzilik densaýlyq saqtaý uıymy qazaqstandyq ǵalym­dardyń jumysyn óziniń resmı saıtynda tirkep, ony klınıkaǵa deıingi zertteýge ruqsat etilgen Covid-19-ǵa qarsy vaksınaǵa kan­dıdattardyń tizimine qosqan bolatyn.

Otandyq belsendi emes vaksınany Ǵylym komıtetiniń Bıolo­gııalyq qaýipsizdik problemalary ǵylymı-zertteý ınstıtýtynyń qyzmetkerleri ázirledi. Vedom­s­tvonyń málimetinshe, bul Qa­zaqstandaǵy naýqastardan bó­lingen vırýs shtammy negizinde jasalǵan.