Qazaqstan • 20 Tamyz, 2020

Kún batareıasymen qýattanatyn avtonomdy jol katafottary synaldy

51 ret kórsetildi

Avtomobıl joldary salasynda jańa tehnologııalardy engizý sharalary jalǵasýda. Bul týraly IIDM baspasóz qyzmeti habarlaıdy, dep jazady Egemen.kz

Osylaısha, joldardaǵy qozǵalys qaýipsizdigi deńgeıin kóterý jáne jol-kólik oqıǵalarynyń sanyn azaıtý maqsatynda "QazAvtoJol" UK" AQ "IMRAN COMAPNY" kompanııasymen birlesip kún batareıasymen qýattanatyn avtonomdy jol katafottaryn synady.

Tájirıbelik synaqtar ótkiziletin jol ýchaskesi retinde "Kókshetaý qalasy arqyly ótetin 40+100 km Nur-Sultan – Petropavl" A1 aqyly avtomobıl joly tańdalǵan  bolatyn. Mamandardyń atap ótýinshe, kún batareıasy arqyly qýattanatyn avtonomdy jol katafottary túngi ýaqyttaǵy jáne aýa raıynyń qolaısyzdyǵy kezinde jol jaǵdaıyn kórý múmkin emes bolǵan jaǵdaıdaǵy jol qozǵalysy qaýipsizdiginiń deńgeıin joǵarylatý  úshin qoldanylady.

Olar joldaǵy tańbalardyń kóshirmesi. Katafottar joldardyń qaýipti ýchaskelerinde júrgizýshilerdiń kóńilin aýlaıdy. Al eger kólik basqarýshy joldaǵy tutas syzyq tańbasyn bassa, katafottar belgili bir dybys shyǵarady. Bul óz kezeginde kólikterdiń qarsy qozǵalys jolaǵyna ótý yqtımaldyǵyn tómendetýge, kólikterdiń soqtyǵysýyn nemese kólikterdiń jyraǵa túsip ketýin  boldyrmaýǵa múmkindik beredi.

"IMRAN COMAPNY" kompanııasynyń málimetterinshe, jol katafottaryn 7 jylǵa deıin paıdalanýǵa bolady. Olar salmaǵy 30 tonnaǵa deıingi júkti kóterýge eseptelgen. Osy rette kompanııa atalmysh ónimge 2 jyldyq kepildik beredi.

 

Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar