Esirtki qylmysyna qarsy is-qımyl departamentiniń mobıldi toby jáne IIM-niń arnaıy bólinisteri Qaraǵandy jáne Qyzylorda oblystarynyń shekaralaryn tikushaqpen barlaý kezinde, Qyzylorda qalasynan 320 km qashyqtyqta qarasorany qoldan ósirý plantasııasy alqabyn, sýarý úshin basseın men agroquraldardy saqtaý men sol jerde turýǵa arnalǵan jer asty úńgirlerin anyqtady. Alqapqa jaqyn ushyp barý kezinde jalǵan memlekettik tirkeý nómirleri taǵylǵan eki "Toıota Land Krýzer" jol talǵamaıtyn kólikterin baıqady. Olar kólikte joǵary jyldamdyqpen basqaryp jasyrynbaqshy boldy. Polısııa qyzmetkerleriniń toqtatý talaptaryn tyńdamady.
Avtokóliktiń sońyna túsken qyzmetkerler olardy toqtatý úshin eskertý oǵyn atty jáne birneshe ret kóliktiń dóńgelekterine oq atyldy. Dóńgelekterine zaqym kelgen soń ǵana eki kólik qozǵalysyn toqtatty.
Polısııa qyzmetkerleri úsh jergilikti turǵyndy ustady. Olardy ustaý kezinde bireýi jaraqat aldy. Oǵan alǵashqy medısınalyq kómek kórsetildi jáne medısınalyq mekemege jetkizildi. Onyń ómirine qazirgi ýaqytta esh qaýip tónip turǵan joq.
Atalǵan jerde Qyzylorda oblysynyń polısııa departamentiniń jedel-tergeý toby jumys istep jatyr.
1 maýsymnan bastap 30 qazanǵa deıin jyl saıynǵy respýblıkalyq "Qarasora" arnaıy operasııasy ótkizilip jatqanyn esterińizge salamyz, osy operasııanyń sheńberinde ishki ister organdary quramynda esirtki bar ósimdikterdiń zańsyz ósirilgen alqaptaryn anyqtaý úshin tikushaqty paıdalanyp, joǵary jyldamdyqtaǵy avtokólikteri bar mobıldik toptardy jumyldyrýda. Operasııa bastalǵaly barlyǵy 430 esirtki qylmysy anyqtaldy, onyń ishinde 178 fakt – quramynda esirtki bar ósimdikterdi zańsyz ósirý, 153 ótkizý faktisin, 83 saqtaý faktisin jáne esirtki kontrabandasynyń bes faktisin anyqtaldy. Zańsyz aınalymnan jalpy toǵyz tonna esirtki alyndy.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
