Baqyt Sultanov: "Tutas ári tıimdi saýda-logıstıkalyq ınfraqurylymdy qalyptastyrý úshin ulttyq taýar ótkizýshi júıe qurylýda. Ol fermerlerdi, satyp alýshylardy, kólik qyzmetkerlerin, deldal men rıteılerdi biryńǵaı klasterge biriktiredi. Iаǵnı tehnıkalyq ári aqparattyq turǵyda qamtıdy", dedi Saýda jáne ıntegrasııa mınıstri.
Mınıstrdiń aıtýynsha, biryńǵaı sıfrlyq júıemen biriktirilgen 24 kóterme-úlestirý ortalyǵy ónimdi jetkizý tizbegin ońtaılandyrady. Osy oraıda óndirýshiden tutynýshyǵa deıin jetkizýdi qamtyp, ónimdi saqtaýǵa, tıimdi bólýge qolaıly jaǵdaı jasalady. Taýardyń búliný qaýpin tómendetý sharalary fermerlerge ónimdilikti arttyrý úshin qosymsha ınvestısııa bólýge jol ashatynyn aıtyp ótti.
"Jeke óndirýshiniń taýardy ótkizý naryǵyna tikeleı qol jetkizýi tabysyn eleýli somada arttyrady. Al tutynýshy sapaly ári qaýipsiz ónimdi alady. Bul turǵyda áleýmettik mańyzdaǵy azyq-túlik taýarlary baǵasyn 45 paıyzǵa deıin tómendetýge múmkin bolady. Osy oraıda tutynýshylar úshin jylyna 60 mlrd teńge shamasynda únemdeýge yqpal etedi. Ulttyq taýar ótkizý júıesi baǵa turaqtylyǵyn qamtamasyz etip, maýsymdyq tapshylyqty joıatynyn atap ótken jón", deıdi B.Sultanov.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
