Qoǵam • 20 Tamyz, 2020

Almatyda kópbalaly analardy qoldaý jáne jumysqa ornalastyrý maqsatynda áleýmettik tigin sehy iske qosyldy

60 ret kórsetildi

Almaty qalasy, Almaly aýdanynda áleýmettik tigin sehy óz jumysyn bastady. Bul áleýmettik joba "Isker ana" baǵdarlamasy aıasynda iske qosylyp, kópbalaly analarǵa arnalǵan "Baqytty otbasy" ortalyqtarynda júzege asyrylýda, - dep habarlaıdy Egemen.kz.

"Isker ana" baǵdarlamasy qala basshysynyń bastamasymen, kópbalaly jáne az qamtylǵan analarǵa túrli máselelerde qoldaý jáne kómek kórsetý maqsatynda jumysyn bastaǵan.

Almaly aýdany ákiminiń orynbasary Aınur Bekjanovanyń aıtýynsha, búgingi tańda sehta tigý jáne pishý kýrstarynan ótken 15 ana jumys isteı bastady. Joba — bıznes negizderin damytýǵa, kópbalaly analardy jumysqa ornalastyrýǵa baǵyttalǵan.
Sehta kópbalaly analar tigin isiniń tehnıkasy men tehnologııasyn úırenedi. Suranystaǵy taýarlardy shyǵaryp, ony naryqta qalaı satý kerektigin úıretetin marketıngtiń negizderin meńgeretin bolady.

"Jobanyń maqsaty - analardy naryq talaptaryna baýlý. Tigin isin negizgi mamandyq etip, tabys taba alý. Analar sehtaǵy jumys kestesin ózderine yńǵaıly etip jasap alýyna bolady. Osylaısha olar otbasyna ýaqyt bólýge múmkindigi bolady. Munda olar tigin isin odan ári damytyp, jetildirip, naryqta suranysqa ıe ónim shyǵara alady", - dedi ol.

Sonymen qatar, ol áıelder úshin basty maqsat — jınaqtalǵan tájirıbeni qoldana otyryp, óz isin ashýǵa jáne damytýǵa múmkindik bar ekenin atap ótti.

"Sehta "Bastaý" kásipkerlikti damytý jobasy aıasynda memleketten 500 myń teńge kóleminde grant alǵan áıelder de jumys isteıdi. Tótenshe jaǵdaıǵa baılanysty olar óz isin asha almady. Sondyqtan olar qazir osynda jumys istep, bıznes qurýdy úırenýde", - dedi A.Bekjanova.

"Jibek-joly" BO ǵımaraty tigin sehyna qaıta jabdyqtaldy. Ony aýdannyń kásiporyndary men uıymdary áleýmettik jaýapkershilikti ózderine ala otyryp, demeýshilik jasap, tegin jabdyqtap berdi.

 

Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.


Sońǵy jańalyqtar

Taraz qalasynda 20 soǵys ardageri bar

Aımaqtar • Búgin, 11:00

Qazaqstannyń 7 óńiri «qyzyl aımaqta» tur

Koronavırýs • Búgin, 10:45

Qazaq degenimiz – Baýyrjan...

Rýhanııat • Búgin, 09:45

505-shi túrmeniń tutqyndary

Tarıh • Búgin, 09:15

Mereke kúnder jańbyrly bolady

Aýa raıy • Keshe

Ammanǵa attandy

Sport • Keshe

Qazanda kúsh synasýda

Sport • Keshe

Shet eldegi qazaq generaldary

Qazaqstan • Keshe

Qadir túniniń qasıeti

Rýhanııat • Keshe

Erlik pen patrıotızm mektebi

Qazaqstan • Keshe

Almaty qalasynda jer silkindi

Aımaqtar • 06 Mamyr, 2021

Taýda joǵalyp ketken týrıst tabyldy

Aımaqtar • 06 Mamyr, 2021

Uqsas jańalyqtar