Oraıy kelip turǵanda alǵashqy birlesken qytaı-qazaq kartınasy buǵan deıin de júldesiz bolmaǵanyn, ótken jyly da Los-Andjeleste asa bedeldi Golden screen Awards kıno dodasynda da 4 birdeı marapatqa qatar ıe bolǵanyn eske sala ketý kerek.
Aıtqandaı, VIII Vankýver qytaı kınosy halyqaralyq festıvalininiń (Vancouver Chinese Film Festival) jabylý saltanaty men júldegerlerdi onlaın-marapattaý aldyńǵy jumaǵa sáıkes kelip, 14 tamyz kúni jeńimpaz kartınalar anyqtaldy.
Sonymen "Kompozıtor" kartınasy "Qyzyl úıeńki japyraǵynyń" 4 marapatyna ıe bolsa, sonymen qatar "Úzdik fılm", "Úzdik rejısser", "Úzdik áıel róli" jáne "Úzdik er adam róli" ataýly júlderin jeńip aldy.
Atalmysh kartına áıgili qytaı kompozıtory Sıan Sınhaıdyń Ekinshi dúnıejúzilik soǵysyna tap kelgen Almatydaǵy taǵdyry, qazaq kompozıtory Baqytjan Baıqadamovpen tereń, tamasha dostyǵy týraly kórkem kınonyń tilimen baıandaıdy. "Kompozıtor" eki halyqtyń talantty ókilderiniń ǵana emes, ejelden kórshi memleketterdiń tatýlyǵy týraly desek te bolady. Fılm rejısseri – Qytaı rejısseri Sırzat Iаhýp. Basty rólderdi qazaq akterleri Berik Aıtjanov, Arýjan Jazylbekova pen qytaı akterleri Hý Szıýn, Iýan Sýan somdaǵan. Sol sııaqty fılmniń premerasy 2019 eki elde, Qazaqstan men Qytaıda qatar júrgenin de atap ótken jón.
Joǵaryda atap ótkendeı, fılm jaryqqa shyqqaly beri Qytaı, AQSh, Brazılııada ótken birqatar halyqaralyq kınofestıvaldiń nazaryn ózine aýdaryp, júldeli oryndardan kórindi.
Sondaı-aq Qazaqstannyń Tuńǵysh Prezıdenti Nursultan Nazarbaev pen QHR Tóraǵasy Sı Szınpın shyǵarmashylyq topty qabyldap, atalǵan kartınanyń mańyzdylyǵy men túsirý tobynyń jumysyna joǵary baǵa bergen bolatyn.
О́z kezeginde mundaı fılmder Qazaqstan men Qytaıdyń yntymaqtastyǵyna septesip, ónerdegi alys-berisine jol asha bermek.
