AǴAIYNDAǴY ALALYQ BÁRIMIZGE BATADY

Kórshi eldegi qolaısyz jaǵdaı biz­diń elge de aýyr tıip otyr. Ejel­den “tósekte basy, tóskeıde maly” qosylyp, tatý otyrǵan, ba­ryn­sha jaqyn aǵaıyn jurttyń ishin­degi alalyq bizge batpaı qoıa ma? Osyndaı bir ret shyqqan bú­lik­tiń ózi halyqtyń esinde máńgi qa­latyn, al myna oqıǵa aldyńǵy­syna kóp ýaqyt ótpeı jatyp taǵy da qaıtalanyp otyrǵany óte ókinishti. “Shyqqan qol oınamaly” degendeı, halyqtyń myńdaǵan jyldar boıy ańsap, zorǵa qoly jetip, óz aldyna el bolyp jat­qanynda qaıta-qaıta  kóterilýi jaqsylyqqa aparmaıdy. Árıne, muny ekonomıkalyq qıyn­dyq­pen túsindirýge bolar. Biraq so­nyń ishinde keıbireýlerdiń tirshilik múddeleri de jaǵdaıdy ýshyqtyra túsýge sebep bolatyn sekildi. Men bul halyqty óte jaqsy bilemin, onymen japsarlas jatqan óńirde týyp-óstim. Keıingi ómirde de qoıan-qoltyq aralastyq deýge bolady. “Manastyń” myń jyldy­ǵyn ótkizýge sol jyldary men basqar­ǵan Jambyl oblysy úlken kómek kórsetti.   “Manasqa – 1000 jyl” at­ty merekelik altyn medaldiń birin de qyrǵyz aǵaıyndar maǵan taq­qan bolatyn. Sol kezdegi qyr­ǵyz basshylary A.Aqaev, A.Juma­ǵu­lovtarmen jaqsy aralastym. Asqar Aqaev óte mádenıetti, ha­lyqqa shyn  jany ashıtyn, minezi jumsaq, óte jáıli adam edi. Onyń qyzmetten tóńkeris jolymen ketkenine ókinish bildirýshi edim. Al Q.Bakıev jalpy halyqqa jaqsy belgili emes adam edi. Ol qolyndaǵy bıligi nyǵaıa bastaǵan soń-aq halyqqa bergen ýádesin umytty, qaıta ózimen birge bolǵan árip­testeriniń kóbin qýdalap, keı­birin tipti túrmege japqyzdy. Ha­lyq­tyń jaǵdaıy jaqsarýdyń orny­na burynǵydan da tómendep ketti. Halyq mun­daıǵa shydamady, “Shólmek kúnde synbaıdy, bir-aq kúnde synady” degendeı, osyndaı jaǵdaı oryn aldy. Endi arty tynyshtyǵymen tynsyn deıik. Q.Bakıevtiń óz erkimen, eldiń arasyn ashpaı ots­tavkaǵa ketkeni durys. Qazaqstan qoldan kelgen moraldyq, mate­rıal­dyq járdemin jasap, aǵaıyn elde turaqtylyqtyń ornaýyna yqpal etýi kerek. О́mirbek BAIGELDI, senator. ALDYN ALMASA — APAT Qyrǵyzstandaǵy oqıǵalar sııaqty qantógiske ulasqan   jaǵ­daı­lar áleýmettik turǵydan az qam­tylǵan elderde oryn alady. Kórshi elde, bizben týysqan elde osyndaı qandy oqıǵanyń oryn alǵany óte ókinishti. Bizdiń Prezıdent Nur­sultan Nazarbaev bul oqıǵalarǵa durys baǵa berdi jáne Qazaqstan ondaǵy jaǵdaıdy retteýge EQYU-ǵa tóraǵalyq etýshi el retinde de yq­pal ete alatynyn aıtty. Qyrǵyzstan basshylyǵy mun­daı­dyń aldyn alýy kerek edi. On­syz da turmys deńgeıi óte tómen halyqqa kommýnaldyq tólemderdiń tarıfin birden bıikke kóterý asa qaýipti ekenin olar boljaýǵa tıisti bolatyn. Elde qan tógilýin, sonyń ishinde jas adamdardyń ómiriniń qıy­lýyn eshqandaı sebeppen aqtaı almaısyń. Qandaı jaǵdaıda da ha­lyqqa qarsy áskerı oq atýǵa bol­maı­tyn edi, turǵyndardyń nara­zy­lyǵy kúsh kór­setýge ulassa, oǵan qar­sy qoldany­latyn tolyp jatqan osy zamanǵy jetildirilgen jaraq­tar bar emes pe?!  Máselen, sý sha­shý, gaz qoldaný, t.b. sııaqty. Al taǵy da qaıtalap aıtamyn, kisi ólimine ákeletin oq atýdy eshqandaı da aqtaýǵa bolmaıdy. Eldegi konstıtýsııalyq tár­tiptiń buzylýyna eshqandaı jol berilmeýi tıis. Qyrǵyzstandaǵy jaǵdaıdy retteýge halyqaralyq uıymdar belsendi qatysýlary kerek. Sonyń ishinde EQYU-nyń tóraǵasy retinde Qazaqstan kórshi týysqan elde turaqtylyqtyń ornaýyna qoldan kelgen kómektiń bárin jasap, oǵan Uıymnyń áleýetin tolyq paıdalanýy qajet. Al endi Q.Bakıevtiń qaıtadan memleket basyna keletinine kúmánim bar. О́ıtkeni, óz halqyna qarsy oq atqan adamnyń qaıtadan eldi basqarýǵa kelýi maǵan múmkin emes sekildi kórinedi. Ǵanı QASYMOV, Qazaqstan patrıottary partııasynyń tóraǵasy.