Elorda • 21 Tamyz, 2020

Elordada Seedspace Nur-Sultan startaptar engiziletin bolady

41 ret kórsetildi

Búgin Seedspace Nur-Sultan alańynda Seedspace ekojúıesiniń qatysýshylary Sıfrlandyrý jáne memlekettik qyzmetter basqarmasynyń basshysy Botagóz Qasabekke, sondaı-aq "Astana Innovations" AQ kompanııasyna óz startaptaryn usyndy. Bul týraly elorda ákimdiginiń resmı saıtyny silteme jasaı otyryp Egemen.kz habarlaıdy.

Elordanyń zııatkerlik áleýeti mańyzdy strategııalyq resýrs retinde qarastyrylady. Onyń ekonomıkalyq tıimdiligi kóbinese taýar aınalymynan túsetin kiristen de asyp túsedi. Sondyqtan eń perspektıvaly startaptar óz jobalaryn qala aıasynda, sondaı-aq ákimdiktiń qoldaýymen synap kórýge múmkindik alady.
 
Olardyń arasynda Infinte Bilim jobasy. STEM (Science, Technology, Engineering, math) boıynsha qazaq tilindegi bilim onlaın-platformasy. Platforma teorııalyq jáne praktıkalyq bólimdi jańa formatta oqyp, úlgerimińizdi baqylap, ár sabaqtan keıin keri baılanys alýǵa múmkindik beredi.

Okoo — baǵdarlamalaýdy oqytýdy daralaýǵa arnalǵan jasandy ıntellekt algorıtmderi bar onlaın bilim berý platformasy. Ár túrli baǵdarlamalaý tilderin úırete alatyn jáne álemniń kez kelgen núktesinde táýlik boıyna ár oqýshyǵa jeke kózqarasqa kepildik bere alatyn vırtýaldy muǵalimi bar platforma.

Qmobot — mektepter men ýnıversıtetterge stýdentterge robototehnıka, veb-ázirlemeler, aqyldy úı jáne ınternet zattary týraly bilim berýge múmkindik beretin, qazaq jáne orys tilderinde oqytylatyn kýrstary bar "Barlyǵy engizilgen" prınsıpi boıynsha paıdalanýǵa daıyn bilim roboty bolyp tabylady.

InFlux — ınnovasııalyq qalpyna keltirgishterdi (aýa jeldetkishteri) óndirý. Qurylǵy bólmeniń qabyrǵasyna ornatylyp, kómirqyshqyl gazynyń mólsheri joǵarylaǵan saıyn, ol bólmeniń aýasyn 60 sekýndqa shyǵaryp alady, sodan keıin bólme ishine syrtqy aýanyń enýin qamtamasyz etedi. Aýa súzgiden jáne bakterısıdti tazartýdan ótedi. Osylaısha, qurylǵy sıkldik jumys prınsıpin oryndaıdy. Bar bolǵany birneshe vatt elektr qýatyn tutynady.

EGISTIC — aýylsharýashylyq taýar óndirýshileri men aýylsharýashylyq keńesshilerine arnalǵan sharýashylyqty basqarý júıesi. Spýtnıkten alynǵan fermerlik sharýashylyqtyń aýa-raıy jáne ındekster boıynsha geoderekterine sáıkes Siz, egistiktiń jaı-kúıin taldap, túsimdi boljaı alasyz, sondaı-aq skaýtıng júrgizip tıimdi sheshimder qabyldaı alasyz.

"Shynynda da startaptar ınnovasııanyń qozǵaýshysy bolyp tabylady. Bizdiń aldymyzda ekojúıeni ósirý jáne jas, belsendi adamdarǵa óz ıdeıalaryn júzege asyrýǵa kómektesý mindeti tur. Tek oıdyń ózi búkil bıznesti qura alatyndyǵyn kórsetý", dep atap ótti Sıfrlandyrý jáne memlekettik qyzmetter basqarmasy basshysy Botagóz Qasabek.

 

Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.

Sońǵy jańalyqtar

Uqsas jańalyqtar