iKOMEK jaǵdaıattyq monıtorıng ortalyǵyndaǵy beınebaqylaý operatorlary táýlik boıy elordadaǵy qaýipsizdik pen tártipti qadaǵalaıdy. Beınebaqylaý kameralary saıabaqtar, skverler, meshitter, avtobýs aıaldamalary, vokzaldar jáne t.b. sııaqty adam kóp jınalatyn oryndardy qamtıdy.
Sonymen qatar iKOMEK monıtorıng ortalyǵyna elordadaǵy iri saýda-oıyn-saýyq ortalyqtarynyń baqylaý kameralary ıntegrasııalandy.
"Málimetter elorda turǵyndarymen jáne qonaqtarymen túsindirý jumystaryn júrgizý úshin jedel túrde nysandardyń basshylyqtaryna jiberiledi, bul jumysty biz elordada koronavırýs ınfeksııamynyń taralýyna jol bermeý maqsatynda júrgizemiz", dedi iKOMEK qalalyq ortalyǵynyń basshysy Jannat Dúbirova.
Esterińizge sala keteıik, iKOMEK jaǵdaıattyq ortalyǵy 13 000-nan astam kameranyń kómegimen táýlik boıy baqylaý júrgizýde. Nur-Sultan qalasynyń Polısııa jáne Tótenshe jaǵdaılar departamentterimen birlesip, elorda turǵyndarynyń qaýipsizdigin qamtamasyz etý boıynsha jumys júrgiziledi.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
