Keshe Petropavlda polısııanyń keshendi kúshteriniń jalpy garnızondyq taratylymy ótti. Soltústik Qazaqstan oblysy Polısııa departamentiniń bastyǵy, polısııa polkovnıgi Marat Tólebaev ofıserler men serjanttardyń keshki aýysymda qyzmet etýge daıyndyǵyn tekserdi.
Taratylym aldynda oblystyq polısııanyń basshysy Petropavl qalasy Polısııa basqarmasynyń patrýldik polısııa batalonynyń kólikteriniń jaı-kúıimen tanysty. Bul bólinistiń qyzmetkerleri táýlik boıy oblys ortalyǵyndaǵy qoǵamdyq tártip pen jol qaýipsizdigine baqylaý júrgizedi. Azamattardyń tynyshtyǵy men qaýipsizdigi olardyń kásibılikteri men utqyrlyǵyna baılanysty. Marat Tólebaev kóshelerdi patrýldeý kezinde beıne jazý júıesiniń múmkindikterin keńirek paıdalanýǵa, sondaı-aq arnaıy kólikterdiń jaǵdaıyn uqypty ustaýǵa tapsyrma berdi.
Departament bastyǵy amýnısııanyń jaı-kúıin, ofıserlerdiń syrtqy kelbetin, qyzmetkerlerdiń kóńil-kúıin tekserdi. Ýchaskelik polısııa ınspektorlarynyń nazaryn aýysym barysynda beınejetondardy paıdalaný qajettiligine aýdardy. О́ziniń sózinde ol qyzmet atqarý kezinde azamattardyń konstıtýsııalyq quqyqtaryn qatań saqtap, ádepti jáne sypaıy bolýdy atap ótti. Basty mindet - halyqqa kómek kórsetý, adamdardyń qaýipsizdigin qamtamasyz etý jáne olardyń tynyshtyǵyn qorǵaý dedi ol.
PETROPAVL
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
