Apta ishinde ákimdik, taýarlar men qyzmetterdiń sapasy men qaýipsizdigin baqylaý departamenti ókilderinen quralǵan elordalyq monıtorıng toby kásipkerlerdiń sanıtarlyq-epıdemıologııalyq talaptardy saqtaýy boıynsha reıdter ótkizdi.
Senbi kúni polısııa qyzmetkerlerinen jáne Baıqońyr aýdanynyń taýarlar men qyzmetterdiń sapasy men qaýipsizdigin baqylaý basqarmasy ókilderinen turatyn mobıldi top bazarlarda sanıtarlyq-epıdemıologııalyq talaptardyń saqtalýyn qadaǵalady.
Monıtorıng barysynda "Artem" jáne "Big Shanhaı" bazarlarynda áleýmettik qashyqtyq pen maska taǵý tártibin buzýshylyqtar anyqtaldy. Sondaı-aq barlyq bólimder men býtıkterde sanıtaızerler men termometrııa ornatylmaǵan. Keıbir býtıkterde áleýmettik qashyqtyq saqtaýǵa múmkindik jasalmaǵan.
Anyqtalǵan buzýshylyqtar úshin Qazaqstan Respýblıkasynyń halyqtyń sanıtarlyq-epıdemıologııalyq salaýattylyǵy salasyndaǵy zańnamasynyń 425 babynyń 1-tarmaǵy boıynsha ákimshilik jaza qoldanylady.
Jalpy alǵanda, 5 shildeden bastap QR ÁQBtK 425-baby boıynsha 863 buzýshylyq anyqtaldy. Onyń 236-sy jeke tulǵalarmen, 627-i kásipkerlik sýbektilerimen jasalǵan. Barlyq jınalǵan materıaldar boıynsha Nur-Sultan qalasynyń taýarlar men qyzmetterdiń sapasy men qaýipsizdigin baqylaý departamenti tıisti sheshim shyǵarady.
Barlyq qoǵamdyq oryndarda adamdar qashyqtyq saqtap, maska taǵyp, sanıtaızer qoldanýy kerek.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
