Qala ákimdiginiń tapsyrysymen "Rýhanı Jańǵyrý" baǵdarlamasy aıasynda jaryqqa shyqqan "Saq" kınostýdııasynyń týyndysy Shymkentti qyzǵaldaqtar mekeni retinde tanystyrady.
Tanymdyq máni zor, taǵylym alar týyndynyń rejısseri – elimizge tanymal anımator Batyrhan Dáýrenbekov, ssenarıin Baqytjan Quljabaı jazyp shyqqan.
"Qazaqstan – qyzǵaldaqtar otany. О́skeleń urpaqqa sol jaıly kóbirek aıtýymyz kerek. Elimizde qyzǵaldaqtyń kóptegen túri ósedi. О́kinishtisi, biregeı ósimdik túrleri ekspedısııa kezinde alǵash ret sýretke túsirip, jarııalaǵan Kaýfman, Greıg syndy nemis azamattarynyń esimimen atalyp ketken. Mysaly, jazýshy Marhabat Baıǵut aǵamyz nasıhattap júrgenindeı, shubaıqyzyl degen qandaı keremet ataý?! Biz de qyzǵaldaqtardyń qazaqy attaryn osylaısha nasıhattaýdy maqsat tuttyq. Japonııa elinde sakýra gúldegende elge týrıster aǵylady. Sol sııaqty bizdiń óńirimiz de kóktemde jaınap ketedi. Qyzǵaldaqtar qalasy - Shymkent qyzyldy, jasyldy gúlderge tolady. Mundaı kórinis ózge óńirlerde joq!", - deıdi Batyrhan Dáýrenbekov.
Anımasııalyq fılmniń tórtinshi bólimi de aıaqtalýǵa jaqyn. Ol – "Aqsaq Temirdiń Shymkentke kelýi" týraly. "Saq" kınostýdııasy túsirip jatqan bul fılmde shejireshi, tarıhshy Sharafıddın Iаzdynyń kitabynan alynǵan derekter keltiriledi. Aqsaq Temirdiń joryqtarynyń birinde Shymkent arqyly ótip, dáliregi, Qoshqar ata ózeni boıyna toqtaǵany týraly tarıhı derekter jelisi alynǵan.
Aıta keteıik, "Kóne qumyranyń syry" anımasııalyq fılminiń alǵashqysy "Otyrardy qorǵaý", ekinshisi "Uly ustazben kezdesý" dep atalady. Ol bólimderde Ál-Farabı, Abaı syndy ǵulama tulǵalar dáriptelip, memlekettik rámizderimiz nasıhattalǵan.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
