Tutqynda qaza tapqandar týraly jańa derekter

Atalǵan qoǵamdyq birlestik «Vozvrashenıe ımenı» halyqaralyq jobasynyń qatysýshysy. Jyldyń basynda «Vozvrashenıe ımenı» ha­lyq­aralyq jobanyń toby G.Skvorsovtyń jetekshiligimen júrgizilgen jumystar nátıjesinde 20 000 tutqynnyń attary jazylǵan tizim tabylyp, jarııa etildi. «Slavýta» áskerı tutqyndar konslageri soǵys jyldary Ýkraına aýmaǵynda ornalasqan. Tutqyndaǵy dárigerler men jertólede jumys istegender nasıstterden jasyryp lazarette qaıtys bolǵandardyń attaryn tizimge jazyp otyrǵan. So­nyń arqasynda biraz jaýyngerdiń ómir­lerine qatysty derekter saqtalyp qalǵan.

Abhazııalyq áskerı kýrsanttar kóptegen jyldar boıy iz-tússiz ket­ken jaýyngerlerdiń tizimimen jumys istep keledi. Atqarylǵan aýqym­dy jumystyń nátıjesinde Abha­zııa Res­pýblıkasy Qorǵanys mınıstr­liginiń muraǵatynda «Slavý­ta» konslagerinde qaza bolǵan qazaq­stan­dyq 2000 jaýynger týraly málimetter tabylǵan.

Qazirgi tańda «Atamnyn Amanaty» qoǵamdyq birlestiginiń ókilderine 150 jaýyngerdiń málimetteri berildi. Qalǵan 1850 jaýyngerge qatysty aqpa­rat «Vozvrashenıe ımenı» jobasynyń tobymen rettestirilip, jaqyn arada jiberilýi tıis.

«Vozvrashenıe ımenı» halyq­aralyq joba aıasyndaǵy jumys barysynda otandastarymyzdyń týystaryn tabamyz degen úmittemiz. Soǵys jyldary «Slavýta» konslagerinde tutqynda bolǵan jaýyngerlerdiń attary men ómirbaıandary tarıhta jáne halyqtyń esinde máńgi qalýy kerek. Barlyq oblystar men megapolısterdiń jergilikti atqarýshy organdaryn tut­qynda qaza bolǵan jaýyngerlerdiń týystaryn izdeý jumystaryna jár­dem kórsetýge shaqyramyz», deıdi «AtamnynAmanaty» qoǵamdyq birles­ti­giniń basqarma tóraǵasy Murat Mol­daǵalıev.

«Lagerdiń tarıhy qaıǵyly bol­ǵan­dyqtan, bul tizim bizge ońaı kelgen joq. Sondyqtan BAQ ókilderi, jaýyn­gerler shyqqan oblystar men qala­lardaǵy meshitter men pravoslavıe shirkeýleri, sonymen qatar Qazaq­stannyń áskerı komıssarıattary tutqynda bolǵan soldattardyń týys­taryn izdeý aksııasyna qoldaý kór­setedi degen úmittemiz», deıdi «Vozvra­shenıe ımenı» halyqaralyq jo­basy­nyń jetekshisi Grıgorıı Sk­vorsov.

Barlyq jınalǵan aqparat www.pamyat-naroda.ru saıtyna engiziledi. Qazirgi tańda bul biregeı resýrs­ta burynǵy KSRO-nyń quramynda bolǵan respýblıkalardan shyqqan maıdangerler týraly aqparat jı­nal­ǵan.

Eske sala keteıik, osyǵan deıin «Vozvrashenıe ımenı» halyqaralyq jobasynyń qatysýshylary Bishkek qala­syndaǵy polıtehnıkalyq ýnıver­sıtettiń stýdentterimen birlese otyryp Qazaqstan, О́zbekstan jáne Qyr­ǵyzstan boıynsha tizimderdi daıyn­daǵan.

Soǵysta iz-tússiz ketken jaqyn­daryńyz bolsa, myna baılanys telefondaryna habarlassańyz bolady: ( +7 776 828 45 35, +7 776 828 45 34). Saıt: www.ata-amanaty.kz