Eki kún qatarynan elorda volonterleri "Birgemiz: Sabaqtastyq" jalpyulttyq jobasy aıasynda Qıyn ómirlik jaǵdaıdaǵy balalardy qoldaý ortalyǵyna baryp qaıtty.
Volonterler balalarǵa arnaıy oıyn-saýyq baǵdarlamalaryn ázirlep, anımatorlarmen birge kelesideı baıqaýlar ótkizdi: sýret salý, plastılınmen jumys isteý, Abaı oqýlary, Tik Tok túsirý, estafeta, fýtbol, basketbol saqınasyna dop laqtyrý, arqan tartý. Barlyq qatysýshylar madaqtamalar jáne syılyqtarmen marapattaldy.
Volonterler sharasynda barlyq sanıtarlyq normalar saqtaldy.
Aıta ketý kerek, elordalyq volonterler jumysy "Birgemiz" jalpyulttyq jobasynyń barlyq baǵyttaryn qamtıdy. Olar Uly Otan soǵysynyń ardagerleri men zeınetkerlerge áleýmettik qoldaý kórsetý, medısına qyzmetkerlerine kómek, senbilikter uıymdastyrý, Tótenshe jaǵdaılar jáne Polısııa departamentterimen birlesip, karantın normalaryn saqtaý boıynsha reıdter júrgizý jáne t.b. jumystarmen aınalysady.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
