– Búginde dándi daqyldardyń ortasha ónimdiligi bir gektarǵa 9,8 sentnerdi quraıdy. Qazirgi ýaqytta 59,1 myń tonna astyq bastyryldy. Kartop 275 gektar alańnan jınaldy, ortasha ónimdilik – gektarynan 156 sentnerden keledi. Kókónistiń jalpy jınaǵy 2 320 tonnany quraıdy, – dedi basqarma basshysy.
Bıyl boljam boıynsha, jınalǵan astyqtyń jalpy mólsheri ár gektardan 9,9 sentnerden bolýy tıis. Kartoptyń jalpy mólsheri shamamen 284,7 myń tonna bolady dep josparlanǵan.
Qazirgi ýaqytta astyq jınaý syndy jaýapty naýqanǵa 2 345 kombaın jumyldyrylǵan. Al kartopty alqapta 16 kombaın qarqyndy eńbektiń kórigin qyzdyrýda. Budan bólek, kartop qazǵysh 72 tehnıka da dala tósin dúbirge bólep, irkilissiz jumys isteýde. О́ńirdegi sharýashylyq basshylary qoldaǵy tehnıkany jańartyp otyrýǵa basa mán beredi. Mysaly, bıyl egin oraǵyna túsken kombaındardyń 12-si jańadan satyp alynǵan.
Tabıǵatynyń erekshelikterine baılanysty bıyl Arqa tósinde astyq jınaý naýqany 20 qazanda tolyǵymen aıaqtalady dep josparlanǵan. Al dıqandar aldyna kartopty qazan aıynyń 1-juldyzyna deıin ysyrapsyz jınap alý mindeti qoıyldy.
Bıyl aýa raıyn boljaýshylardyń málimetine qaraǵanda, oblysta qyrkúıek aıy jaýyn-shashyndy bolatyn túri bar. Dıqan qaýymy buǵan da jan-jaqty daıyndyq jumystaryn qarastyryp jatyr. Mysaly, aýa raıy astyq jınaýǵa bóget bolmaýy úshin, óńirlerde astyq keptirgishter ázirlený ústinde.
Jalpy, óńirdegi bıylǵy astyq jınaý naýqany oblys basshylyǵynyń tikeleı baqylaýynda bolmaq.
Qaraǵandy oblysy
