Oqıǵa • 27 Tamyz, 2020

Bir kúnde úsh aqynnyń kitaby jaryq kórdi

69 ret kórsetildi

Eldiń rýhyn kóterip, mádenı mártebesin joǵarylatyp, búgingideı alasapyran ýaqytta senimine serpin beretin birden-bir kúsh ádebıet desek, ásire siltegendik bolmas. Án men kúı, óleń men jyr órkenıetti halqymyzdyń óne boıyna ógeı dúnıe emes, qarasózge qanattanyp, tabıǵı óner ıesin kórsek talaptanyp ketetinimiz sodan shyǵar. Indet irgemizge iz sala bastaǵanda, dárigerlerge rýh berip, dármensizdikke salynbaýǵa shaqyrǵan qanshama jyr jazyldy, qanshama án jaryqqa shyqty. Saıyp kelgende, sonyń barlyǵy ádebıet arqyly eldiń eńsesin kóterip, úkili úmitin úzbeýge úndedi.

Sózimizge tuzdyq bolardaı, kúni keshe osyndaı ıgi ja­ńa­­lyq­tyń shetin estip qýa­nyp qal­ǵan jaıymyz bar. Ol – Pav­lodar oblysynda úsh bir­deı aqynnyń kitaby jaryq kórýi edi. Dálirek aıtsaq, Aıbek Oral­hannyń «Alty ańǵar» atty alǵashqy jyr jınaǵy men Al­pysbaı Ábdilulynyń «Áripti sot­taý» atty kitaptary Jazý­shy­­lar odaǵy Pavlodar ob­lys­tyq fılıalynyń arnaıy jobasy aıasynda jáne «Jo­mart júrek» syı­lyǵynyń ıegeri, óner janashyry Asylbek Týǵan­baıdyń qarjylaı qoldaý kórsetýimen jaryq kórgen.

«Búgingi jańalyq osy. Aıbek pen Alpysbaıdyń kópten kútken alǵashqy kitaptary ja­ryqqa shyqty. Kitaptardy shy­ǵa­rýǵa demeýshilik kórsetken Asylbek Týǵanbaı aǵamyzǵa alǵy­symyz zor. Buıyrsa, Ertis-Baıan óńi­riniń ádebı ómirinde taıaý kún­deri taǵy da birqatar aıtýly jańa­lyq bolatyndyǵyn súıin­shileı ketkim keledi. Ke­re­­ký­de kórkemsózdiń sal­qar kó­­shine ilesken talantty tus­tas­ta­rymyzdyń qatary kó­beıýde. Bul kóziqaraqty oqyr­mandy erekshe qýantady. Olardyń al­dy alǵashqy jınaqtaryn shy­­ǵaryp ta úlgerdi. Osy bir úrdis úzdiksiz jalǵassa, óńir­diń ádebı ómiri jandana túseri sóz­siz», deıdi aqyn, Jazýshy­lar odaǵy Pavlodar oblystyq fılıa­lynyń dırektory Jar­qynbek Amantaı.

Al úshinshi kitaptyń ıesi –  aı­tysker aqyn, «Altyn dombyra» ıegeri Aspanbek Shuǵataev. Ol kitabyna «Jerdegi Aspan sóılese...» dep at qoıypty. Av­tor­­dyń aıtýynsha, kitapqa aı­tys­­tary men óleńderi engen.

1

1

1

 

 

Sońǵy jańalyqtar

Uqsas jańalyqtar