Oqý sapasyn arttyrý – memlekettik saıasattyń mańyzdy baǵyty

El bolyp eńse tiktegen sátten bastap elimizde memlekettik deńgeıde bilim salasyna baryn­sha kóńil bólinip keledi. Álem­de­gi eń ozyq úlgiler synnan­ ótip, jergilikti jaǵdaıǵa yń­ǵaı­­lanyp, kúndelikti is-tá­jirı­bemizde paı­dalanýǵa en­gi­­zilgendikten, búgin­dikke so­nyń oń nátıjeleri je­misin be­rý­de. Memleket basshysy Q.Toqaevtyń bilim salasyna úl­ken qoldaý jasap, qamqorlyq kórsetýin de sezinýdemiz. Ustaz­dardyń usynystary men ta­lap-tilekterine sáıkes Bilim já­ne ǵylym mınıstrligine oń óz­gerister jasaý qajettiligi jó­ninde tıisti tapsyrmalar berip, oryndalýyn ózi baqylap otyr­ǵa­nyn kúndelikti buqaralyq aqparat quraldarynan estip, kórip otyrmyz. Bul úshin bilim salasy qyzmetkerleriniń, so­nyń ishinde qalyń eldiń orta­synda júrgen qarapaıym us­taz­dardyń alǵysy sheksiz. Al­daǵy ýaqytta da bilim jáne ǵy­­lym salasynda jaqsy da ja­ǵymdy jańalyqtar kóbeıip, is júzine asatynyna senimdimiz. «Memlekettiń barlyq bastamalary bilim salasyn jetildirip, pedagog mártebesin arttyrýǵa baǵyttalǵan. Atap aıtqanda bi­­lim salasy jańartylǵan bi­lim mazmunyna kóshti, «Pe­da­gog mártebesi» týraly zań qa­­byl­dandy, ulttyq biliktilik testileý en­gizildi, pedagog kadr­lardyń ja­laqysy artty, dı­rektorlyq korpýsty ta­ǵaıyn­daý tártibi ózgerdi, jańa mem­lekettik bilim men ǵylymdy damytýdyń baǵ­dar­lamasy qa­byldandy. Bilim jáne ǵylym mınıstrliginiń elmen etene aralasyp, berilgen tap­­syrmalarǵa sáı­kes tıisti usy­­­nystardy júzege asyryp jat­­­qanyna mu­ǵalimder qaýymy dán rıza.

Shuǵa Qarataeva,

Mártók aýylyn­daǵy №2 mektep-gım­na­zııa­nyń matematıka páni­niń mu­ǵalimi,

Bilim berý isiniń qur­metti qyzmetkeri:

«Pedagog mártebesi týraly» zańnyń qabyldanýy – barlyq pedagog qaýymy úmitpen kútken bas­ty jańalyq. Ustazdar táýelsiz el tarıhynda tuńǵysh ret osyndaı úlken mártebege ıe bolyp otyr. Zań aldymen, ustazdardyń quqyqtaryn keńeı­tip, qorǵaıtyn bolady, ıaǵnı mu­ǵalimge tán emes jumystan bosatý, júktemesin azaıtý kózdelgen.

Osy atalǵan baǵyttaǵy is-áreketti ujym da sezindi. Biz mektepke qatysy joq is-sharalardan arylyp, ýaqytymyzdy bilim berýge, ózimizdi damytýǵa arnadyq. Eki qujatty – synyp jýrnaly men sabaq josparyn ǵana tol­tyramyn. Sondaı-aq oqý jy­lynyń basynda kúntizbelik-taqyryptyq jospardy daıyndap, ár toqsan sońynda krı­terıaldyq baǵalaý boıynsha qujattardy daıyndaımyn. Qal­ǵan qujattyń esh qajeti joq.

Gúljan Sadırova,

Aqtó­be qala­syn­daǵy №51 gımnazııa­nyń mu­ǵalimi, Bilim berýisiniń úzdigi:

Men jańartylǵan bilim maz­muny kýrsyna qatysyp, ká­sibı bilimimdi jetildirdim. Bul meniń biliktilik sanatymdy arttyrýǵa úlken kómegin tı­gizdi. Endi men – pedagog-zert­teý­shimin, biliktilik sanatyma saı eńbekaqyma 40% ústemeaqy alyp otyrmyn. Bul meniń jáne barlyq áriptesterimniń eń­be­giniń baǵalanýy dep túsinemin.

Nurlan Djakıbaev,

№1 Shubarqu­dyq mektep-gımnazııasynyń muǵalimi, Y.Altynsarın tósbelgisiniń ıegeri:

– Iá, ustaz eńbegi óte tózim­di­lik­ti, tabandylyqty, sabyrlylyq pen shyǵarmashylyqty qajet etedi. Men – synyp je­tek­­shi­simin. Árıne, qazirgi synyp jetek­­shisine tólenetin qo­sym­sha­ aqy taǵy eki esege artatyny qýantady. Sebebi synyp je­tek­shisiniń eńbegi óte kúrdeli ári jaýapty, onyń ishinde ata-anamen de jumys júrgizý bar. Son­dyq­tan bul ózgeris bizge tıimdi bolyp otyr.

Gúlmarash Mýkasheva,

№6 Hromtaý gımnazııasy­nyń dırektory, Y.Altynsarın tósbelgisiniń ıegeri:

– Pedagogtiń ustazdyq qyz­metpen alańsyz aınalysýy úshin pedagogterdiń balalaryna turǵylyqty jeri boıynsha mektepke deıingi uıymdarǵa birinshi kezekte oryn berý – bul da bizge degen memlekettiń qamqorlyǵy dep túsinemiz. Sonymen qatar pedagog mamandyǵyna oqýǵa túsetin túlekter úshin baldy 60-tan 70-ke kóterý de durys shara jáne ony biz qoldaımyz. Sebebi erteń mektepke bizdiń isimizdi jalǵastyratyn sapaly bilimdi jastar keledi dep senemiz.

Altynaı Aqdáýletova,

Qaraýylkeldi orta mektebiniń qazaq tili men ádebıeti pániniń muǵalimi, Bilim berý isiniń úzdigi:

– Qazirgi ýaqytta olımpıa­da­larǵa, ǵylymı jobalardy qorǵaýǵa oqýshylardyń qyzy­ǵý­shylyǵy joǵary, sáıkesinshe qatysýshylar da kóp. Respýb­lı­kalyq, halyqaralyq olımpıa­da­lar boıynsha Bilim jáne ǵylym mınıstrliginiń tizbesi ja­salǵan. Osy tizbede olımpıa­da jeńimpazdaryn daıyndaǵan muǵalimderge ár mekemeniń ishin­degi únemdelgen qarajat ese­binen 300 AEK kóleminde ústeme­aqy tóleý qarastyrylǵan. Bul elimizde daryndy balalardy qoldaý, talanttardy tanytýǵa sep­tigin tıgizedi dep bilemiz. Sony­men qatar ustazdar úshin kere­met motıvasııa ekeni sózsiz.

Estaı Jaılybaı,

Aqtóbe ónerkásiptik tehnologııalar jáne basqarý kolledjiniń dırektory, Bilim berý isiniń úzdigi:

– 1985 jyly kásiptik-teh­nıkalyq bilim berý salasyna jumysqa ornalasyp, oqytý­shy­lyq­tan bastap kolledj dırektoryna deıingi búkil satysynan óttim. Ony aıtyp otyrǵanym – osy 35 jyl ishinde bul salanyń barlyq jetistikteri men qıyn­shy­lyqtarynyń kýágeri bolyp kele jatyrmyn. Qazirgi tań­da elge kerekti orta býyn, ju­mys­shy mamandardy daıarlaý­ qa­jettigi týyndaǵan kezde mem­leket tarapynan bilim sala­syna qoldaý kórsetilip ja­tyr.­ «Pedagog mártebesi tý­ra­ly»­ zańnyń qabyl­danýy­nyń mańyzy óte zor. Muǵalimderdiń mártebesi artty, jalaqylary ósti. Olardyń qoǵamdaǵy orny­ kórnekti bola bastady. О́zim qyzmet etetin Aqtóbe óner­kásip­tik tehnologııalar jáne bas­qarý kol­ledji respýb­lıka­lyq­ «Jas maman» jobasyna enip, eki ma­mandyqqa zamanaýı teh­nı­kalyq qural-jab­dyq­tar alý múm­kindigine ıe boldy. Osyn­daı qoldaýdy jete sezin­gen árip­tes­terimniń bar kúsh-ji­gerin qa­jetti ári sapaly maman­dar daıar­laýǵa arnaıtynyna senimdimin.

R.S. Mine, jańa oqý jylynyń bastalýyna da sanaýly kúnder qaldy. Shákirtter men ustazdarǵa oqý jylynyń bastalǵanyn habardar etip, syńǵyrlaı jóneletin qońyraý úni bıylǵy oqý jylynda da qashyqtan estilmek. Qońyraý úni qashyq bolǵanymen, ustazdar men oqýshylar arasy jaqyn. О́ıtkeni zamanaýı tehnologııalar jetistigi eki aradaǵy baılanysty jaqyndata tústi. Osy aralyqta ustazdar qaýymy sıfrly tehnologııalar arqyly óz betinshe úzdiksiz bilim alyp, san alýan aqparatpen almasý múmkindikterin ábden ıgerdi.

Oblysymyzda jańa oqý jylyna daıyndyq jumystary qarqyndy túrde júrgizilip jatyr. Barlyq oqýshylardyń otbasylyq jaǵdaıynyń áleýmettik kartasy jasaldy. Osynyń negizinde áleýmettik az qamtamasyz etilgen otbasylardyń oqýshylaryna, basqa da qajettiligi bar balalarǵa bilim berý uıymdaryndaǵy kompıýter, planshet qurylǵylary ýaqytsha paıdalanýǵa berildi. Áli de jetispeýshiliktiń ornyn tolyqtyrýǵa respýblıkalyq, oblystyq bıýdjet esebinen qarajat bólinýde.

Árbir qıyndyqtyń sońynda jaqsylyǵy bolady. Álemdi jaılaǵan indet bilim salasyna qashyqtan oqytý formatyn engizdi. Pedagogter men mektep oqýshylaryna aqparattyq tehnolo­gııanyń tilin jan-jaqty meńgerýine múmkindik týdy. Pedagog – oqýshy – ata-ana úshtigi bul synaqtan birlese shynyǵyp shyǵatyny anyq.

Oblys ustazdary men bilim salasy qyzmetker­leriniń bilimi men kúsh-qýaty qandaı synaqty bolsyn eńserýge jetetinine senimdimiz.

Dına JAMANBAEVA,

Aqtóbe oblystyq ǵylymı-ádistemelik ortalyqtyń dırektory