Budan bir jyl buryn Almaty oblysy Qapal kentinde turatyn Elaman Naǵymov esimdi oqýshy bala úı irgesindegi baqshalyq jerden júzden astam kóne tıyndardy taýyp alady. Sol kúni 7-synypta oqıtyn jetkinshek aýladan jertóle qazyp jatqan ákesine kómektesip júrgen edi. Bir kezde ol eki metr tereńdikke jetken kezde shúberek qapshyqqa kezigedi. Ishin ashyp qarasa, sary tústi kóptegen tıyndar shyǵady. Keıin ǵalymdar olardyń tarıhı qundylyqtary bar ekenin moıyndady.
Budan bir jyl buryn Almaty oblysy Qapal kentinde turatyn Elaman Naǵymov esimdi oqýshy bala úı irgesindegi baqshalyq jerden júzden astam kóne tıyndardy taýyp alady. Sol kúni 7-synypta oqıtyn jetkinshek aýladan jertóle qazyp jatqan ákesine kómektesip júrgen edi. Bir kezde ol eki metr tereńdikke jetken kezde shúberek qapshyqqa kezigedi. Ishin ashyp qarasa, sary tústi kóptegen tıyndar shyǵady. Keıin ǵalymdar olardyń tarıhı qundylyqtary bar ekenin moıyndady.
Sol ýaqyttan beri Elamannyń anasy Raýshan Úsenova osy sırek kezdesetin kóne teńgelerdi jergilikti jerdegi Aqyn Sara atyndaǵy murajaıǵa satýǵa áreket jasap keledi eken. Biraq mádenı oshaq pen qazyna ıeleriniń arasyndaǵy baǵada kelispeýshilik buǵan kedergi keltirip turǵan sııaqty. Úı ıeleri tapqan oljaǵa 1 mıllıon teńge suraıdy. Al oblystyq mádenıet basqarmasyndaǵylar bul baǵany tym joǵary dep esepteıdi.
«Murajaı ázirge biz aıtqan baǵaǵa satyp alýǵa kelisim bergen joq. Olar qaıta-qaıta baǵany tómendetýdi ótinýde. Biz ázirge oılanyp júrmiz. Shyny kerek, turmysymyz tómen. Al mektepke baratyn ulymyzdyń kıimderi júdeý, oqý qural-jabdyqtary jetispeıdi. Oǵan qosa bala kópten beri velosıped áper dep qyńqyldap júr. Sondyqtan biz ózimiz tapqan qazynaǵa osyndaı baǵa belgileýge májbúrmiz», – dep túsindiredi baǵa sebebin Raýshan.
Qazirgi kúnderi eki jaqtyń saýdasy kelispegenimen, kóne teńgeler murajaıda saqtaýly turǵan kórinedi. Mamandardyń pikirleri boıynsha, olardy tereńirek zertteý tarıhtaǵy jańa betterdi ashýǵa kómektesýleri tıis.
Murat AITQOJA.
