Aımaqtar • 28 Tamyz, 2020

"Quqyqtyq tártip" sharasy jasóspirimderdiń beımezgil ýaqytta júrgen 163 faktisin anyqtady

26 ret kórsetildi

Soltústik Qazaqstan oblysynyń polıseıleri "Quqyqtyq tártip" jedel-profılaktıkalyq is-sharasyna qorytyndy jasap, 3 kúnniń ishinde ǵana tún kezgen 163 jasóspirim toqtatylǵanyn aıtty, dep habarlaıdy Egemen.kz

Is-shara barysynda jol erejelerin saqtaý, eseptegi adamdardyń úıde bolýyn tekserý, qoǵamdyq oryndardaǵy quqyq buzýshylyqtar men qylmystardyń aldyn alý jáne qoǵamdyq qaýipsizdikti qamtamasyz etýge baılanysty basqa da jumystar qamtyldy. Sonymen birge jańa oqý jyly qarsańynda kámeletke tolmaǵandardyń qaýipsizdigine erekshe nazar aýdaryldy.

Iývenaldyq polısııa qyzmetkerleri turmysy qolaısyz otbasylaryn tekserip, jasóspirimder jınalatyn jerlerge reıdter júrgizdi. Túngi tekseristerdiń birinde Petropavl qalasyndaǵy "Berıozovaıa Rosha" demalys bazasynda 2002-2005 jyldary týǵan tórt kámeletke tolmaǵandar anyqtaldy.

Endi olardyń ata-analaryna balalarynyń karantındik shekteýlerdi buzǵandaryna, túnde úıden tys bolǵandary jáne alkogoldik ishimdik ishkenderi úshin jaýap berýge týra keldi. Karantındi buzǵany úshin demalys ortalyǵynyń ákimshiligi de jaýapkershilikke tartyldy.

"Jedel-profılaktıkalyq is-sharanyń úsh kúninde balalardyń túngi ýaqytta qaraýsyz júrýiniń 163 faktisi anyqtaldy", deıdi SQO PD bastyǵynyń birinshi orynbasary, polısııa polkovnıgi Qanat Aıtbaev.

Is-shara barysynda 1826 túrli quqyq buzýshylyq anyqtaldy. Onyń ishinde bala tárbıesi boıynsha ata-analardyń óz mindetterin oryndamaýynyń 39 faktisi, qoǵamdyq oryndarǵa mas kúıinde kelýdiń 350 faktisi, 150 usaq buzaqylyq, 895 jol erejesin buzý bar.

Soltústik Qazaqstan oblysy

Sońǵy jańalyqtar

Uqsas jańalyqtar