Ýchaskelik ınspektor dúkenniń alkogol ónimin satýǵa lısenzııasy joq ekenin bilgen, al sórede alkogol ónimi de joq. Alaıda ol jasyryn satylyp kelgen. Sóreniń astyn tintkende tártip saqshylary 7,5 lıtr araq, 6,75 lıtr sharap jáne 18 lıtr syra tárkilegen. Dúken ıesine qatysty Ákimshilik quqyq buzýshylyq týraly kodeksiniń "Tıisti tirkeýsiz, ruqsatsyz nemese habarlama jibermeı kásipkerlik nemese ózge de qyzmetpen aınalysý, sondaı-aq áreketterdi (operasııalardy) júzege asyrý" atty 463-baby boıynsha hattama toltyryldy.
"Ýchaskelik polısııa ınspektorlarynyń qyzmet kórsetiletin aımaqtaǵy jaǵdaıdy jaqsy bilýi zańdylyq pen tártipti qamtamasyz etýdiń negizderiniń biri bolyp tabylady. Jalpy, biz alkogol ónimin zańsyz satýmen kúreske kóp kóńil bólemiz. Aıta ketsek, dál osy kúnderdiń birinde aýdandaǵy aýyldardyń birinde jeke úıde araq satý faktisi de anyqtaldy. Alkogol lısenzııalanbaǵan, sondyqtan ony paıdalaný qaýipsizdigine eshkim kepildik bermeıdi. Lısenzııalanbaǵan alkogoldi zańsyz satýmen aınalysqan jergilikti turǵyn alkogoldi zańsyz satqany úshin jaýapqa tartylyp, onyń úıinen 10 lıtr etıl spırti tárkilendi", deıdi Mamlıýt aýdany polısııa bóliminiń bastyǵy polısııa podpolkovnıgi Serik Áljanov.
Alkogoldik ishimdikterdiń zańsyz satylýyna qarsy is-qımyl jónindegi jumys oblys polıseılerimen turaqty túrde júrgizedi. Jyl basynan beri barlyǵy 128 hattama toltyryldy.
