Májilis Tóraǵasynyń aıtýynsha, depýtattar dárihanalarǵa, aýrýhanalarǵa arnaıy baryp, dári-dármekterdiń qoryn tekserip, onyń baǵasyn baqylady. Sondaı-aq depýtattar eriktiler ortalyqtarynyń jumysyna da belsendi atsalysýda.
Qazirgi ýaqytta Palatanyń zańnamalyq qorjynynda 75 zań jobasy bar, onyń 22-ne depýtattar bastamashy bolǵan. Nurlan Nyǵmatýlınniń aıtýynsha, olardyń qatarynda 2021-2023 jyldarǵa arnalǵan respýblıkalyq bıýdjet jobasy, pandemııadan keıingi kezeńdegi ekonomıkalyq ósimdi odan ári qalpyna keltirýge, azamattardyń jekelegen sanattaryn áleýmettik qorǵaýǵa jáne t.b. salalarǵa baǵyttalǵan zań jobalary bar.
Memleket basshysy depýtattyq korpýs óz jumysynda Prezıdent Joldaýy men basqa da bastamalardy iske asyrýdy zańnamalyq turǵydan qamtamasyz etýge, onyń ishinde, sybaılas jemqorlyqqa qarsy is-qımylǵa basymdyq berýi kerek ekenin aıtty.
