«Qazaqstan temir joly» AQ baspasóz qyzmetiniń habarlaýynsha, 2014 jyly bastalǵan «Mobıýs» fıskaldandyrylǵan kompıýterlik júıesi bazasynda elektrondy bılet tehnologııasy, sonyń ishinde «Adal jol» jobalyq ofısiniń usynysy boıynsha kezeńimen engizilgen edi. 2014-2020 jyldarǵa arnalǵan e-formatta bıletter satýǵa ótý esebinen ulttyq tasymaldaýshy úshin shyǵys bóligi aıtarlyqtaı tómendedi. Ońtaılandyrý sonymen qatar qymbat turatyn blankterden bas tartý esebinen de oryn aldy. Mamandardyń aıtýynsha, satýdy trasformasııalaýdyń basty maqsaty – satý arnalaryn keńeıtý esebinen servısti arttyrý, «Kútý paraqshasy» boıynsha bıletterdi satyp alý múmkindigi, oryndar týraly málimetterdiń aıqyndyǵyn qamtamasyz etý jáne qosymsha fýnksıonaldardy uıymdastyrý. Bul rette, veb-bılet qoldan jasaýdan qorǵalǵan jáne issaparǵa shyqqan adamdar úshin býhgalterııaǵa usynýǵa óte yńǵaıly. Sondaı-aq barlyq derekter elektrondyq málimet bazasynda saqtalýy artyqshylyq beredi ári qaǵazdyń joǵalýy jolaýshyǵa qaýip tóndirmeıdi.
Bılet formasy halyqaralyq standart boıynsha qurylǵan, onda áýe bıletindegi sııaqty arnaıy shtrıh-kody bar, jolserik ony kórip jolaýshynyń zańdy ekenin anyqtaıdy jáne otyrǵyzýdy júrgizedi. Elektrondy bılettendirýdiń jańa júıesine tolyq ótý 2019 jyldyń 1 shildesinen bastap júzege asyryldy, qarbalas kúnderi «kútý paraqshasy» boıynsha kezekke turý tártibimen bıletterdi satyp alý, turǵyndar úshin satyp alý jaǵdaılaryn jaqsartýǵa múmkindik berdi.
– Jol júrý qujattaryn satýdyń jetildirilgen elektrondy júıesi sondaı-aq qoldan jasalǵan bılet jetispeýshiligin qurý tájirıbesin tómendetýge kómektesti. Jańashyldyqpen kútý paraqshasy men oryndardy «aýlaýdy» blokqa qoıý fýnksıonaly qarastyrylǵan. Sońǵy opsııa – kútý paraqshasy – bıletter satý júıesindegi orynnyń bolmaýy kezinde jolaýshylarǵa elektrondy kezekke turýǵa múmkindik beredi, – deıdi «Jolaýshylar tasymaly» AQ marketıng jáne satý bóliminiń dırektory Almas Aıtbaev.
Toptyq tasymalǵa tapsyrys berýdi rásimdeý men berý prosesi de avtomattandyrylǵan. О́zgerister bilet.railways.kz. saıty servısi jumysyna da áser etti. Portaldyń jańa nusqasynda tutynýshylar poıyzdyń júrýi baǵytyn, sonymen qatar jolaýshynyń naqty jol júrýi keskindemesin tolyq kóre alady. Kórsetilgen fýnksıonal saıttyń mobıldik nusqasynda da bar.
«Jolaýshylar tasymaly» AQ Kaspi Bank-pen birlese bıletterge tólemniń jańa servısin iske qosty. Endi jol júrý qujattaryn (bıletterdi)
WWW.BILET.RAILWAYS.KZ saıtynda rásimdeý kezinde, bıletke tólem júrgizýde Kaspi.kz. paıdalanýyna bolady. Budan basqa, jaqynda múgedektigi bar barlyq toptaǵy tulǵalar úshin áleýmettik mańyzdy poıyzdarǵa jeńildikti bıletterdi onlaın-rásimdeý boıynsha jańa qyzmet túri jumys isteı bastady.
Jolaýshylar endi bılet satyp alýda únemdeýine bolady. Atap aıtqanda, qysqa jol júrýde klıentter jatyn jabyndysynan bas tartýyna múmkindik beretin opsııa engizildi. Mundaı jaǵdaıda onyń quny jol júrý baǵasynan shegeriledi. Sondaı-aq tańdaýly oryndardy tańdaýda súzginiń durys jumys istemeý problemasy sheshimin tapty. Saıtta paıdalanýshyny tirkeý prosedýrasy aıtarlyqtaı jeńildetildi, endi poshtaǵa tirkelimdi rastaýdy kútýdiń qajeti joq. Jańa poshtalyq serverler qosylyp, elektrondy poshtany jiberý jyldamdyǵy jaqsardy.
