Fransııada oryn alǵan bul oqıǵa estigen adamǵa jaǵa ustatty. Bir avtokóliktiń artqy jaǵyndaǵy júk salǵyshta jatqan kir-qojalyq, óńi qashqan náresteni avtomehanık onyń ishten yńyrsyǵan daýsyna qaraı tapqan. Sosyn dereý jedel járdem shaqyrǵan. Bul týraly «Komsomolskaıa pravda» jazdy.
Aýrýhanada dárigerler uzaq ýaqyttar boıy aýasy az, ystyq, qapastaǵy júk salǵyshta jatyp kelgen jasy birge de tolmaǵan sábıdiń dene qurylysynyń damýy jaǵynan da, psıhologııalyq jaǵynan da artta qalyp qoıǵanyn málimdegen.
Keıin anyqtalǵany, balanyń áke-sheshesi Portýgalııadan kelgender eken. Olar esh jerde jumys istemeıdi, tek járdemaqynyń esebinen kún kóredi. Jasy 45-tegi anasy balany onyń bar ekeninen de habary joq ákesinen jasyryp, júk salǵyshta ustap kelgen. Erli-zaıyptylardyń budan bólek taǵy úsh balasy bar kórinedi.
Bul isti teksergen prokýror onyń «qandaı da bir qııaldyń shegine» syımaıtynyn aıtyp otyr. Ázirge jubaılar juby eshqaıda ketip qalmaý týraly jazbasha eskertý aldy. Al sol olarǵa 10 jylǵa deıin túrmede otyrý jazasyn kesýi múmkin.
Qaırat Qojanazar.
