• 29 Qazan, 2013

О́skemendik áıel otynyń basyna 15 jyldan keıin oraldy

361 ret

kórsetildi

2 mın

oqý úshin

Egemen Qazaqstan

29-10-13-lazzat beisekenova-1

Buryn Shyǵys Qazaqstan oblysynda turǵan áıel jolaýshylap ketkennen keıin otynyń basyna on bes jyldan keıin oraldy. Bul aralyqta onyń balalary er jetip, azamat atandy. Al kúıeýi qaıtyp úılenbepti. Sol ýaqyttan beri áıeli kútip júripti. Bul týraly yk.kz portaly habarlady. Saıt habarlaǵandaı, Shyǵystaǵy Tuǵyl aýylynyń turǵyny Lázzat Bıseqanova 1999 jyly tabys tappaqshy bolyp Almatyǵa jol tartady. Sebebi, sol tusta eldegi jaǵdaı áli aýyr edi. Otbasyn asyraý qamy ony osy saparǵa ıtermeleıdi. Úıinde jolyn tosyp úsh balasy men kúıeýi qalady. Biraq kelinshek sol ketkennen mol ketedi. Sodan beri ony kórdim-bildim degen bir adam tabylmaıdy. Artynda qalǵan joqtaýshylary ári-beri izdestirip te kóredi. Sóıtkenmen, esh deregi shyqpaıdy. Jurttyń bári ony sosyn «óldige» sanaıdy. Keıin týǵandaryna onyń qaıtys bolǵany týraly anyqtama qaǵazy da beriledi. Biraq Lázzat tiri edi. Qazir belgili bolǵandaı, kelinshek ońtústik megapolıske jetken júrip kele jatqan kóliktiń astyna túsip qalady. Basynan alǵan aýyr jaraqatymen aýrýhanaǵa jatqyzylady. Esin jınaǵan kezinde qaıdan kelgenin, óziniń kim ekenin esine túsirip, aıtyp bere almaıdy. Ol emdeý ornynan shyqqannan keıin sonda isteıtin bir tazalyqshy áıel úıine alyp ketedi. Buǵan razy bolǵan Lázzat onyń úıine jóndeý júrgizip beredi. Munysy úı ıesine unaıdy. Sosyn ol qurbysynyń úıin jóndettiredi. Osylaısha birtindep áıeldiń jaǵdaıy túzele beredi. Bara-bara ózi úı jaldap turatyndaı dárejege jetedi. Jaqynda Tuǵylda qatar turǵan kórshisi Lázzatty dúkende kezdestirip, tanyp qalypty. Sodan keıin dereý áıeldiń kúıeýi men balalaryna telefon shalypty. О́tken senbi kúni Zashıta stansasyna kelip túsken Lázzatty týǵan-týystary, kúıeýi men balalary taıly-taıaǵymen kútip aldy. Murat Aıtqoja.