Reıdtik is-sharalar barysynda Aıagóz aýdandyq polısııa bóliminiń qyzmetkerleri belgilengen mólsherden anaǵurlym artyq qonaq shaqyryp, toı jasap jatqan otbasyn anyqtaǵan.
Oblysta karantın erejeleri jeńildetilgenimen úlken toı-tomalaqtarǵa ruqsat joq. Sonyń ózindeshekteýge qaramastan, Aıagóz qalasyndaǵy meıramhanalardyń birinde dúbirli toı ótken kórinedi. Meımandar meıramhanaǵa qosymsha esikten kirgen. Al kólikterin mańaıdaǵy aýlalarǵa qaldyryp ketken.
Oblystyq Polısııa departamentiniń habarlaýynsha, osyǵan uqsas jaǵdaı Besqaraǵaı aýdanynda da oryn alǵan. Bul jaqta toı emes, sporttyq jarystar ótipti. Jergilikti turǵyn oblystyq sanıtarlyq dárigerdiń qaýlysyna qaramasta at báıgesin uıymdastyrǵan.
— Karantın erejelerin buzý faktileri boıynsha materıaldar «Taýarlar men kórsetiletin qyzmetterdiń sapasy men qaýipsizdigin baqylaý» departamentine berildi, - dep atap ótti ShQO polısııa departamentiniń bastyǵy Saǵat Mádıev.
