Tumshanyń ereksheligi sonda, ony taqqan adam aýrý juqtyramyn dep qoryqpastan tamaǵyn da ishe beredi deıdi. Ol qalaı degen saýal týatyny ras qoı. Dızaınerler tapqyrlyǵy sonda, tumshany jelpýish tárizdi etip jasaýynda. Qatty qaǵazdan jasalǵan tutqaǵa bekitilgen, tórt buryshty etip kerilgen qorǵanysh qabaty bar tumshamen aýyz ben muryndy qalqalap, tamaq ishýge de, áńgimelesýge de bolady, bul adamdardyń qalypty tirlikke kóshýine kómegin tıgizedi, dep esepteıdi ony oılap tabýshylar.
Joba avtory Masako Sasakı «Biz SARS-CoV-2týdyrǵan qolaısyzdyqty azaıtyp, jańa bazalyq etıketti Kıotodan bastap ornatqymyz keledi», degen oıyn aıtypty. Alaıda bul tumsha adamnyń qol qımylyn shektep, yńǵaısyzdyq týdyrady degen pikirdi ustanýshylar bar kórinedi.
Jańa tumshany 20 adam testileýden ótkizgende qoldanýshylar ózderin aýrýdan qorǵaný turǵysynan jaqsy sezingenin aıtypty.
