Memleket basshysynyń Qazaqstan halqyna arnaǵan Joldaýynda elimizdiń quqyq qorǵaý júıesin mańyzdy ınstıtýsıonaldyq qaıta qurý joldary aıqyndalǵan. IIM quzyreti sheńberinde olardy iske asyrý boıynsha mynadaı sharalar qabyldanady. Birinshi. Tótenshe jaǵdaılar mınıstrligin qaıta qurý týraly qabyldanǵan sheshimdi eskere otyryp, qazirgi ýaqytta daıyndyq jumystary júrgizilýde. Múlikti berý boıynsha qajetti rásimderdi júrgizý úshin tıisti komıssııa qurylady.
"Ekinshi. "Halyq únine qulaq asatyn memleket" tujyrymdamasy aıasynda jergilikti polısııa qyzmetin "Polısııa qadamdyq qoljetimdilikte" qaǵıdaty boıynsha reformalaýǵa kirisemiz. Bul jerde basty ról quqyq buzýshylyqtyń aldyn alý salasyndaǵy negizgi býyn bolyp tabylatyn ýchaskelik polısııa ınspektorlaryna beriledi. Olardyń mártebesin arttyrý boıynsha zańnamalyq sıpattaǵy sharalar ázirlenýde", dedi E.Turǵymbaev.
Sondaı-aq olardyń jumysynyń tıimdiligin arttyrý maqsatynda osy materıaldyq-tehnıkalyq qamtamasyz etý qyzmetin shtattyq nyǵaıtý, onyń ishinde polısııanyń ýchaskelik pýnktterimen jaraqtandyrý máselelerin pysyqtaý kózdelip otyr. Qazir elimizde bar 2,8 myń ýchaskelik polısııa pýnktteriniń 1400-i búginde jóndeýdi qajet etedi. Qosymsha 279 ýchaskelik pýnkt salý jáne 1,5 myń birlik qyzmettik avtokólik satyp alý qajet.
Úshinshi. Sondaı-aq Penıtensıarlyq mekemelerde jáne polısııanyń qyzmettik úı-jaılarynda jappaı beınebaqylaý engizý týraly tapsyrmany iske asyrý boıynsha sharalar qabyldanýda.
"Tórtinshi. IIM sybaılas jemqorlyqqa qarsy kúres boıynsha alǵa qoıylǵan mindetter aıasynda mynadaı sharalar qabyldanýda. Sybaılas jemqorlyqqa qarsy qyzmetpen jáne azamattyq qoǵam ınstıtýttarymen birlesip tıisti úshjaqty jospar iske asyrylýda", dep atap ótti mınıstr. Jalpy alǵanda, sońǵy 3 jylda sybaılas jemqorlyq qylmystarynyń sany 33%-ǵa qysqardy.
