Memleket basshysynyń aıtýynsha, aldaǵy ózgeristerdiń basty maqsaty – zań ústemdigin, ádilettilikti jáne azamattardyń qaýipsizdigin qamtamasyz etý.
Jıynda azamattardyń quqyqtary men bostandyqtaryn qorǵaýdy qamtamasyz etýdiń úsh býyndy modelin qurý jáne quqyq qorǵaý organdary men sot júıesi ókilettilikteriniń ara-jigin ajyratý máselelerine basymdyq berildi. Prezıdent atalǵan júıe zańdylyq pen ádilettilikti qalyptastyrý mehanızminiń kepili bolýǵa tıis ekenin atap ótti.
Qasym-Jomart Toqaev «Jańa jaǵdaıdaǵy Qazaqstan: is-qımyl kezeńi» Joldaýyndaǵy mindetterdi júzege asyrýdyń negizgi baǵyttaryn belgilep, quqyq qorǵaý organdary basshylaryna naqty tapsyrmalar berdi.
Keńeske Prezıdent Ákimshiliginiń Basshysy Erlan Qoshanov, Prezıdenttiń kómekshisi – Qaýipsizdik Keńesiniń hatshysy Áset Isekeshev, Premer-Mınıstrdiń birinshi orynbasary Álıhan Smaıylov, Premer-Mınıstrdiń orynbasary Eraly Toǵjanov, Prezıdent Ákimshiligi Basshysynyń birinshi orynbasary Dáýren Abaev, Bas prokýror Ǵızat Nurdáýletov, Ulttyq qaýipsizdik komıtetiniń tóraǵasy Kárim Másimov, Prezıdenttiń kómekshisi Erlan Qarın, Qorǵanys mınıstri Nurlan Ermekbaev, Ishki ister mınıstri Erlan Turǵymbaev qatysty.
