Nıý-Delıde «The IIC Experience: Festival of Arts» atty halyqaralyq úndistandyq óner festıvali aıaqtaldy. Oǵan Brazılııa, Indonezııa, Ońtústik Koreıa, Fılıppınder, Úndistan jáne festıval tarıhynda alǵash ret Qazaqstan ujymdary qatysty, dep habarlady QR SIM-iniń baspasóz qyzmeti.
Nıý-Delıde «The IIC Experience: Festival of Arts» atty halyqaralyq úndistandyq óner festıvali aıaqtaldy. Oǵan Brazılııa, Indonezııa, Ońtústik Koreıa, Fılıppınder, Úndistan jáne festıval tarıhynda alǵash ret Qazaqstan ujymdary qatysty, dep habarlady QR SIM-iniń baspasóz qyzmeti.
Festıval sheńberindegi Qazaqstan baǵdarlamasy Úndistan halyqaralyq ortalyǵynyń óner galereıasynda «Qulanshy» zamanaýı óner ortalyǵynyń grafıkalyq jumystarynyń kórmesimen resmı ashyldy. Oǵan sýretterdiń avtory Láıla Mahattyń ózi de qatysty.
Is-sharaǵa qatysýshylar aldynda sóz sóılegen Úndistannyń Qazaqstandaǵy burynǵy elshisi – qazirgi qaýymaralyq úılesim qorynyń jetekshisi Ashok Sadjanhar (Amb. Ashok Sajjanhar, Secretary, National Foundation for Communal Harmony) Qazaqstandaǵy jumys jyldaryn jylylyqpen eske ala otyryp, eki halyq mádenıetteriniń erekshe uqsastyǵyn atap ótti.
Úndistandyq kórkem óner sarapshylary kórermenderge «Saqtar jeli» taqyrybyna arnalǵan 24 shyǵarmasyn usynǵan qazaqstandyq sýretshiniń joǵary shyǵarmashylyq áleýetine oń baǵa berdi.
Halyq ónerin súıerler qazaqstandyq «Turan» ulttyq-folklorlyq ansambliniń mýzykalyq baǵdarlamasyn tamashalaýǵa múmkindik aldy. Qazaqstandyq ujym ulttyq mýzykalyq aspaptarda oınaýdyń joǵary sheberligin kórsetip, úndi qaýymynyń júrekterin jaýlap aldy. Qazaqstannyń Úndistandaǵy elshiligi uıymdastyrǵan mýzykalyq top Nıý-Delıge sapary barysynda, sondaı-aq, Qazaqstan-Úndistan 8-shi týrıstik jármeńkesinde óz ónerlerin usyndy.
Sonymen qatar, festıval sheńberinde Kanada, AQSh, Italııa, Germanııa, Nıderlandy jáne t.b. elderdiń fılmderi kórsetildi. Qazaqstandyq kınematograftan Janna Isabaevanyń «Talǵat» dramasy da usynylǵan fılmder tizimine endi.
