Oblys ortalyǵy kún sanap kórkeıip keledi. Ásirese, sońǵy jyldary qala tazalyǵyna basa nazar aýdarylýda. Shahar basshysy Erhan Omarov birqatar nysandarda bolyp, jumys barysymen tanysty. Ol atbasyn birden turmystyq qaldyqtardy shyǵarýmen aınalysatyn «AqtóbeTaza qala» JShS-ine tiredi. Seriktestik dırektory Erbol Qaldyǵulov jańadan bes turmystyq qaldyq tasymaldaıtyn avtokólik satyp alyp bergen qalalyq ákimdikke rızashylyǵyn bildirdi.
Oblys ortalyǵy kún sanap kórkeıip keledi. Ásirese, sońǵy jyldary qala tazalyǵyna basa nazar aýdarylýda. Shahar basshysy Erhan Omarov birqatar nysandarda bolyp, jumys barysymen tanysty. Ol atbasyn birden turmystyq qaldyqtardy shyǵarýmen aınalysatyn «AqtóbeTaza qala» JShS-ine tiredi. Seriktestik dırektory Erbol Qaldyǵulov jańadan bes turmystyq qaldyq tasymaldaıtyn avtokólik satyp alyp bergen qalalyq ákimdikke rızashylyǵyn bildirdi.
Qazir bul kásiporynda ártúrli markaly 20 turmystyq qaldyq shyǵaratyn arnaýly avtokólik bar. Kásiporyn qalanyń eski bóliginen, 11 jáne 12, «Máskeý», «Qurmysh», «Sazdy», sút zaýyty shaǵyn aýdandarynan turmystyq qaldyqtardy shyǵarady. Bul aýdandarda turmystyq qaldyq jınalatyn 188 konteıner ornatylǵan. Barlyq avtokólikter monıtorıng júıesimen qamtylǵan. Bul júıe avtokólikterdiń qozǵalysyn, júrgen jolyn jáne turmystyq qaldyqtarmen polıgonǵa qansha barǵanyn anyqtaýǵa múmkindik beredi. Álııa Moldaǵulova dańǵyly boıyndaǵy Shahmatshylar skverinde qaıta jaraqtandyrý jumystary aıaqtalǵan eken. Qaıta jaraqtandyrý jumystaryna qalalyq bıýdjetten 15,1 mıllıon teńge bólingen. Osy mańdaǵy sý-burqaq ta qaıta jaraqtandyrylyp, qalanyń kórkin asha túsipti.
Satybaldy SÁÝIRBAI,
«Egemen Qazaqstan».
AQTО́BE.
