Qazaqstan • 03 Qyrkúıek, 2020

"Bıznestiń jol kartasy – 2025" sheńberinde grant alýǵa ótinimder qabyldaý bastaldy

87 ret kórsetildi

Almaty qalasy Kásipkerlik jáne ınvestısııalar basqarmasy "Bıznestiń jol kartasy-2025" bıznesti qoldaý men damytýdyń memlekettik baǵdarlamasyn iske asyrý sheńberinde granttyq qarjylandyrýdyń ashyq konkýrsynyń ekinshi kezeńi boıynsha qujattar qabyldaýdyń bastalǵany týraly habarlady, dep habarlaıdy Egemen.kz.

Somasy 2 mln. teńgeden 5 mln. teńgege deıingi granttar ekonomıkanyń basym sektorlaryndaǵy shaǵyn kásipkerlik sýbektilerine óteýsiz negizde beriledi jáne ol start-up jobalardy, ınnovasııalardy jáne jańa bıznes-ıdeıalardy damytýǵa arnalǵan. Bul maqsatqa bıýdjetten 100 mln. teńge bólindi.

О́tinimderdi qaraý kezindegi negizgi synbaǵalar: bıznes-ıdeıalardyń jańashyldyǵy (talap halyqtyń áleýmettik osal toptary úshin mindetti bolyp tabylmaıdy); bıznes-jobanyń básekege qabilettiligi (naryqtyq qajettilikti pysyqtaý – marketıngtik taldaý) jáne engizýge daıyndyq (óndiristi uıymdastyrý máselesin pysyqtaý, jobany ornalastyrý úshin úı-jaıdyń, ótkizý naryǵynyń bolýy, óndiristi iske qosý úshin jobanyń daıyndyq deńgeıi) bolyp tabylady.

Konkýrsqa qatysý úshin úmitkerler bekitilgen nysan boıynsha ótinim jáne konkýrstyq qujattamanyń tolyq toptamasyn (qosymsha) usynýy qajet. Qujattardy qaǵaz nemese elektrondyq nusqada berýge bolady.

Elektrondyq ótinimder kelesi silteme boıynsha beriledi: (https://dkb.qoldau.kz/ru/dkb/grants/dkb-registries/grants-applications).

Qaǵaz túrindegi qujattardy qabyldaýdy Almaty qalasy Kásipkerlik jáne ınvestısııalar basqarmasy Almaty qalasy, Baızaqov kóshesi, 303,                 1 qabat mekenjaıy boıynsha júzege asyrady.

Konkýrstyq qujattamany usyný merzimi – 2020 jylǵy 21 qyrkúıekten     2 qazandy qosa alǵanǵa deıin, jumys kúnderi saǵat 10.00-den 17.00-ge deıin (jergilikti ýaqytpen).

Konkýrs qatysýshylary kelesi meken-jaılardan keńes alýyna bolady:

  • Almaty qalasy Kásipkerlik jáne ınvestısııalar basqarmasy, mekenjaıy: Almaty qalasy, Baızaqov kóshesi, 303, 3 qabat, 314 bólme, tel.: +7 (727) 390-20-85, + 7 (727) 390-20-88;
  • "Qoldau" kásipkerlik ortalyǵy", mekenjaıy: Almaty qalasy, Baızaqov kóshesi, 303, 2 qabat, jedel jeli telefondary (jumys kúnderi, saǵat 09:00-den 18:00-ge deıin): +7 775 882 5312; +7 775 882 5416; +7 775 882 5539; +7 775 882 5546;
  • "Atameken" UKP, mekenjaıy: Almaty qalasy, Jibek-Joly dańǵyly, 135, 8 qabat, 2 blok, tel.: +7 (727) 331-01-33, Call-centre 1432.

Sonymen qatar, qatysýshylarǵa kelesi qujattary:

1) "Atameken" UKP-da "Bıznes mektep", "Bastau Business", "Bıznes-Keńesshi", "Jas kásipker" kýrstarynan ótkeni týraly sertıfıkattarynyń biri;

2) zańdy tulǵany nemese jeke kásipkerdi memlekettik tirkeý týraly kýáligi bolǵan jaǵdaıda, bıznes-jospar ázirleýde kómek kórsetiledi.

Konkýrsqa qatysý úshin qajetti qujattar tizbesi:

Jańa bıznes-ıdeıalardy iske asyrý úshin memlekettik granttar alýǵa úmitker kásipkerler Baǵdarlamanyń óńirlik úılestirýshisine júginedi jáne kelesi qujattardy usynady:

1) ótinish berýshiniń jeke basyn kýálandyratyn qujattyń kóshirmesi;;

2) Baǵdarlamanyń óńirlik úılestirýshisiniń veb-portalynda ornalastyrylatyn memlekettik granttar berý Qaǵıdasynyń  2 qosymshasyna sáıkes nysan boıynsha memlekettik granttar berý jónindegi konkýrstyq irikteýge qatysýǵa beriletin ótinim;

3) zańdy tulǵany memlekettik tirkeý týraly kýáliginiń kóshirmesi/jeke kásipkerdi tirkeý týraly habarlama;

4) ótinish bergen kúnge deıin 30 kúntizbelik kúnnen keshiktirmeı berilgen bıýdjetke tólenetin mindetti tólemder boıynsha beresheginiń joǵy týraly anyqtama;

5) ótinim berý sátindegi jaldamaly qyzmetkerlerdiń ortasha sany týraly basshynyń qolymen jáne ótinish berýshiniń mórimen rastalǵan anyqtama (bar bolǵan jaǵdaıda);

6) memlekettik granttar berý Qaǵıdasynyń 3 qosymshasyna sáıkes nysan boıynsha bıznes-jospar túrinde daıyndalǵan bıznes-joba;

7) Baǵdarlama jáne (nemese) Qazaqstan Respýblıkasy Úkimetiniń 2018 jylǵy 13 qarashadaǵy № 746 qaýlysymen bekitilgen nátıjeli jumyspen qamtýdyń jáne jappaı kásipkerlikti damytýdyń 2017-2021 jyldarǵa arnalǵan "Eńbek" Baǵdarlamasy sheńberinde kásipkerdiń oqýdan ótkenin rastaıtyn, eskirý merzimi 2 (eki) jyldan aspaıtyn qujattyń kóshirmesi;

8) usynylatyn memlekettik grant kóleminiń keminde 10%-y mólsherinde bıznes-jobany iske asyrýǵa arnalǵan shyǵyndardy qosa qarjylandyrýdyń (aqsha qarajatymen, bıznes-jobaǵa qatysatyn jyljymaly/jyljymaıtyn múlikpen) baryn rastaıtyn qujattar, kásipkerdiń aǵymdaǵy shotynda aqsha qarajatynyń bary týraly banktik shottan úzindi kóshirme nemese bıznes-jobaǵa qatysatyn jyljymaly jáne/nemese jyljymaıtyn múliktiń baǵalaý qunyn rastaıtyn qujattar (halyqtyń áleýmettik osal toptaryn qospaǵanda);

9) ótinish berýshide halyqtyń áleýmettik osal toptaryna jatatyn mártebesiniń baryn rastaıtyn qujat.

 

 

Sońǵy jańalyqtar

Aısberg aqıqaty

Ádebıet • Keshe

Joq kitapty izdeý

Ádebıet • Keshe

Krest-kedergi...

Ádebıet • Keshe

Zaısanda mal qyrylyp jatyr

Aımaqtar • Keshe

Uqsas jańalyqtar