Elordada shomylý maýsymy boıynsha qorytyndy shyǵaryldy. Brıfıngte Nur-Sultan qalasy Tótenshe jaǵdaılar departamentiniń bastyǵy Baýyrjan Syzdyqovtyń aıtýynsha, bıyl keshendi sharalardyń arqasynda adam ólimi 28 paıyzǵa, al balalar ólimi 100 paıyzǵa tómendedi. TJ departamentiniń kúshimen qalanyń alty turǵyny qutqaryldy.
"Reıdtik is-sharalarǵa oqýshylardy, stýdentterdi jáne ózin-ózi jumyspen qamtyǵan adamdardy jumyldyryp, qala ákimdigi Jumyspen qamtý ortalyǵymen birlesip jumys júrgizdi. Qaýipsizdikti qamtamasyz etý úshin kún saıyn karantın sharalaryn eskere otyryp, qalanyń sý aıdyndaryna 60 qoǵamdyq qutqarýshylardan turatyn 11 top kezekshilikke shyqty. Sondaı-aq kún saıyn reıdtik is-sharalarǵa jeke quramnyń 80 adamy kelip, barlyq 23 ýchaske boıynsha reıdter júrgizdi. Eriktilerdiń kómegin taǵy da atap ótkim keledi. Bizben birge "Jas Otan", "Astana Jastary" jáne "Eriktiler lıgasynan" eriktiler jumys istedi. Olardyń kómegimen biz 25 birlesken reıd ótkizip, 750 adamdy qamtydyq", – dedi brıfıng barysynda Baýyrjan Syzdyqov.
Onyń málimetinshe, bıyl Nur-Sultanda bes adam sýǵa ketti. Olardyń kópshiligi belgilenbegen jerlerde shomyldy. Statıstıkaǵa sáıkes, bul sýdaǵy barlyq ólimniń eń kóp taralǵan sebebi. Sondaı-aq mas kúıinde shomylý da asa qaýipti.
Eger ótken jylmen salystyrǵanda sýǵa shomylý maýsymynda ólim-jitim sany azaısa, onda shomylý oryndarynda júris-turys erejelerin buzýshylar sany tórt esege jýyq ósti. 2019 jazynda 31 adamǵa aıyppul salyndy, osy maýsymda-114.
Spıker 1 qyrkúıekten bastap elordanyń barlyq sý qoımalarynda shomylýǵa tyıym salynǵanyn eske saldy, óıtkeni sýdyń temperatýrasy 18 gradýstan tómen bolýy dene qurysýy men ólimge sebepshi múmkin.
